سابق ایم این اے رانا نذیر اور رکن سندھ اسمبلی ملک شہزاد اعوان نے پی ٹی آئی چھوڑنے کا اعلان کر دیا۔
سابق ایم این اے رانانذیر کا کہنا تھا کہ ایم ایم عالم کے جہاز کو آگ لگائی گئی جس پر شرمندہ ہیں، 9مئی کے واقعات کی مذمت کرتاہوں۔
پی ٹی آئی رکن سندھ اسمبلی ملک شہزاداعوان کا کہنا تھا کہ موجودہ حالات میں ساتھ چلنا مشکل ہے، جوکچھ ہوااس کی امید نہیں تھی، 9مئی کے واقعات کی پہلے بھی مذمت کی آج کرتا ہوں۔
ان کا کہنا تھا کہ اپنی فوج پر ہمیشہ سے فخر رہا ہے،میانوالی میں بھی شہدا ہیں، ان کی بے حرمتی کسی صورت قابل قبول نہیں،پی ٹی آئی سے بیس سال سے تعلق ہے کبھی سوچا نہیں تھا کہ یہ دن آئے گا کہ پی ٹی آئی سے علیحدگی کا سوچیں۔