لاہورشہر میں زیادتی کے واقعات نہ تھم سکے،گزشتہ چوبیس گھنٹوں کے دوران مختلف علاقوں میں ملزمان نے چارخواتین کو زیادتی کا نشانہ بنا ڈالا۔
پولیس کے مطابق کوٹ لکھپت میں پٹواری اور اسکے ساتھی نے خاتون کو فرد دینے کے بہانے زیادتی کا نشانہ بنایا،ملزمان نے خاتون کی ویڈیو بنا کر اس سے 16 لاکھ روپے بھی ہتھیا لئے۔
دوسری جانب قائد اعظم انڈسٹریل اسٹیٹ میں ملزم نے نوکری کا جھانسہ دیکر جواں سالہ لڑکی کو زیادتی کا نشانہ بنایا،پولیس کے مطابق ملزم نے لڑکی کو بے ہوش کیا اور مکان میں لے جا کر زیادتی کی۔
شادباغ کے علاقے میں بھی خاتون کیساتھ زیادتی کا واقعہ پیش آیا جبکہ نواب ٹاﺅن میں تین ملزمان نے جواں سالہ لڑکی کو اجتماعی زیادتی کا نشانہ بنایا۔
پولیس نے تمام واقعات کے علیحدہ علیحدہ مقدمات درج کرلیےہیں تاہم جینڈرکرائم سیل کسی بھی ملزم کو گرفتار نہ کر سکا۔