جناح ہاؤس توڑ پھوڑ،سابق رکن پنجاب اسمبلی فرحت فاروق بھی گرفتار

جناح ہاؤس میں جلاؤ گھیراؤ اور توڑ پھوڑ کے معاملے میں پی ٹی آئی کی سابق رکن پنجاب اسمبلی فرحت فاروق بھی لاہور سے گرفتارکرلی گئیں۔

فرحت فاروق پر جناح ہاؤس کے باہر شرپسندوں کو اکسانے کا الزام ہے، پولیس کا کہنا ہے کہ کورکمانڈر کی وردی پہننے والے ملزم کے ساتھ سیلفی لینے والا نوجوان بھی گرفتارکر لیاگیا ہے۔

پولیس ذرائع کے مطابق ملزم اویس مشتاق کو ڈیجیٹل شواہد کی مدد سے ٹریس کیا گیا۔