یاد گار شہدا کو نقصان پہنچانے والا کسی بھی حد تک جا سکتا ہے، وزیراعظم

اسلام آباد: وزیراعظم میاں شہباز شریف نے خبردار کرتے ہوئے کہا ہے کہ قانون نافذ کرنے والے ادارے اور پولیس کو بدنام کرنے کی سازش نہ کی جائے۔

انہوں نے کہا کہ 9 مئی کے واقعات سے توجہ ہٹانے کیلئے اداروں کیخلاف بات کی جا رہی ہے، اداروں پر گمراہ کن اور بے بنیاد الزامات لگائے جا رہے ہیں۔

پاکستان مسلم لیگ (ن) کے مرکزی صدر میاں شہباز شریف نے کہا اداروں کیخلاف بات کرنے والا شخص لوگوں کو تشدد پر اکساتا ہے۔

وزیراعظم میاں شہباز شریف نے کہا یاد گار شہدا کو نقصان پہنچانے والا کسی بھی حد تک جا سکتا ہے، ملک سے نفرت اور تقسیم کی سیاست کا خاتمہ لازمی ہے۔