9مئی کوجناح ہائوس اور عسکری ٹاور میں جلائو گھیراو کرنے کے کیس میں چیئرمین پی ٹی آئی عمران خان کو کل طلب کرلیا گیا۔
ہم نیوز کے مطابق جے آئی ٹی نے کل 4 بجے عمران خان کو طلب کیا،عمران خان کو ڈی آئی جی انویسٹی گیشن آفس قلعہ گجر سنگھ میں طلب کیا گیا ہے۔
جے آئی ٹی عمران خان سے 9 مئی کے واقعات کے بارے میں تفتیش کرے گی۔
یاد رہے کہ 9مئی کے واقعات پر پنجاب حکومت نے 10 مختلف جے آئی ٹیز بنائی تھیں۔ عمران خان تھانہ سرور روڈ سمیت دیگر تھانوں میں درج مقدمات میں نامزد ہیں۔