بعض اوقات ہم اپنے جسم پر غور و فکر نہیں کرتے، کہاں چوٹ لگ رہی ہے، کہاں نشان پڑ رہا ہے یا کس جگہ نیل پڑ رہا ہے ہم یہ دھیان ہی نہیں کرتے۔ جبکہ بعض اوقات جسم پر پڑنے والے نشان یا جسمانی اعضاء کی ساخت کئی بڑی بیماریوں کی نشاندہی کر جاتا ہے۔
ہائی کولیسٹرول کی علامات واضح طور پر ظاہر نہیں ہوتی ہیں۔
یہ ایک ایسی بیماری ہے جو خاموشی سے نظامِ جسم کو تباہ کر دیتی ہے لیکن اس کا فوری پتہ بظاہر نہیں لگایا جا سکتا۔ یہ مرض تب لاحق ہوتا ہے جب خون میں کولیسٹرول نامی چربی کا مادہ بہت زیادہ ہوجائے۔
ڈاکٹر بتاتے ہیں کہ مرغن غذائیں، ورزش نہ کرنا، سگریٹ اور تمباکو نوشی کی وجہ سے بھی جسم میں کیلسٹرول کی سطح بڑھ جاتی ہے۔
ناخن سے کیسے پتہ لگائیں؟
کارڈیالوجسٹ کے مطابق ٹوٹے ہوئے یا آہستہ بڑھنے والے ناخن جسم میں بہت زیادہ کولیسٹرول کی علامت ظاہر کرتے ہیں۔
کیونکہ خون میں کولیسٹرول کی زیادہ مقدار پی اے ڈی کے نام سے جانے والی بیماری کا سبب بن سکتی ہے، یہ بیماری اس وقت ہوتی ہے جب شریانوں میں چربی جمع ہوجاتی ہے جو ٹانگوں میں خون کا بہاؤ کم کرسکتی ہے۔ اسکی وجہ سے ٹانگیں کمزور ہوسکتی ہیں۔
صحت بخش غذا کھانا اور وزن کم کرنا بھی ضروری ہے۔