گاڑی چلانا ایک ذمہ داری والا کام ہے۔ یہی وجہ ہے کہ اس دوران موبائل چلانا بھی غلط مانا جاتا ہے اور یہی کہا جاتا ہے کہ گاڑی چلاتے ہوئے یکسوئی اختیار کی جائے۔ لیکن اکثر بس یا ٹرک ڈرائیورز لاپروائی کرتے ہیں اور ان کی غلطی سے کئی مسافروں کی جان داؤ پر لگ جاتی ہے۔ ایسا ہی ایک واقعہ خیرپور میں پیش آیا جس میں مسافروں سے بھری کوچ الٹ گئی۔
کتنے مسافر زخمی ہوئے؟
یہ افسوسناک واقعہ سندھ کے ضلع خیر پور میں مہران ہائی وے پر سٹھارجہ میں پیش آیا جہاں کوچ الٹنے سے 15 مسافر زخمی ہوگئے۔
افسوسناک واقعے کی وجہ
پولیس کا کہنا ہے کہ زخمیوں کو طبی امداد کے لئے اسپتال پہنچا دیا گیا ہے جبکہ واقعے کی وجہ کے بارے میں پولیس کا کہنا تھا کہ ڈرائیور کی غفلت اور آنکھ لگنے کی وجہ سے پیش آیا۔