بابر کبھی غلط ہو ہی نہیں سکتا ہے۔۔ نیوزی لینڈ میچ کے دوران بابر اعظم کس بات کی خوشی مناتے رہے؟ ویڈیو وائرل

نیوزی لینڈ اور پاکستان کے درمیان دوسرا ون ڈے اُس وقت سب کی توجہ حاصل کرگیا، جب پاکستانی کھلاڑیوں کی جانب سے دلچسپ جذبات کا اظہار کیا گیا۔

ہماری ویب ڈاٹ کام کی اس خبر میں آپ کو اسی حوالے سے بتائیں گے۔

دوسرے میچ کے دوران 47 ویں اوور میں قومی کرکٹ ٹیم کے بالر حارث رؤف نے کیوی بلے باز اور کپتان ٹام لیتھم کو آؤٹ کیا، دلچسپ بات یہ بھی ہے آؤٹ کا طریقہ کار کچھ یوں تھا کہ سب کو بھا گیا۔

حارث نے گیند کرائی جو کہ بلے باز کے بلے سے لگتی ہوئی وکٹ کیپر محمد رضوان کے ہاتھوں میں آئی، ظاہر ہے بڑی مچھلی ہاتھ آئی تھی مگر امپائر نے ناٹ آؤٹ کا اشارہ دیا۔

جس پر رسک لیتے ہوئے بابر اعظم نے ریویو کا فیصلہ کیا، فیصلہ پاکستان کے حق میں آیا اور کیوی بلے باز آؤٹ ہو گئے، اس فیصلے پر بابر اعظم کے چہرے پر آنے والے تاثرات اور جذبات نے سب کی توجہ خوب سمیٹ لی۔