پاکستان اور نیوزی لینڈ کے درمیان ہونے والی ون ڈے سیریز کا دوسرا میچ آج کھیلا جائے گا۔
میچ پاکستانی وقت کے مطابق دوپہر 3:30 بجے، راولپنڈی اسٹیڈیم میں کھیلا جائے گا۔
دوسرے ون ڈے میچ میں قومی ٹیم میں ایک سے دو تبدیلیاں متوقع ہیں۔ اس سے پہلے پاکستان کو 5 میچز کی سیریز میں 1-0 کی برتری حاصل ہے۔
ذرائع کے مطابق ٹیم مینجمنٹ نیوزی لینڈ کے خلاف سیریز میں روٹیشن پالیسی کو اپنانا چاہتی ہے۔
حارث سہیل دوسرے میچ میں بھی دستیاب نہیں ہوں گے، وہ تاحال کندھے کی انجری سے نجات حاصل نہیں کر پائے۔
ذرائع کے مطابق شاداب خان کو آرام کرانے پرغور کیا جا رہا ہے جبکہ اسامہ میر کو شامل کیے جانے کا امکان ہے۔
شاہین آفریدی اور حارث رؤف میں سے ایک فاسٹ بولر کو بھی آرام کرایا جاسکتا ہے۔