نیویارک: نیٹ فلکس نے اگلے 4 سالوں میں جنوبی کوریا کی نئی فلموں اور ٹی وی شوز میں ڈھائی ارب ڈالرز کی سرمایہ کاری کا اعلان کر دیا۔
غیر ملکی خبر رساں ایجنسی کے مطابق کمپنی کے شریک چیف ایگزیکٹو ٹیڈ سارینڈوس نے واشنگٹن میں جنوبی کوریا کے صدر یون سک یول سے ملاقات کی۔ جس کے بعد انہوں نے اعلان کیا کہ اسٹریمنگ کمپنی نیٹ فلکس اگلے 4 سالوں میں جنوبی کوریا میں ڈھائی ارب ڈالرز کی سرمایہ کاری کرے گی۔
جنوبی کوریا کے صدر یون اس وقت امریکہ کے سرکاری دورے پر ہیں جہاں ان کی امریکی صدر جو بائیڈن سے ملاقات متوقع ہے۔
یہ بھی پڑھیں:
ٹیڈ سارینڈوس نے کہا کہ سرمایہ کاری کی جانے والی رقم ایشیا کی چوتھی بڑی معیشت میں فلموں اور ٹیلی ویژن شوز بنانے پر خرچ کی جائے گی۔
واضح رہے کہ 2021 میں جنوبی کوریا کی بنائی گئی’اسکواڈ گیم‘ نیٹ فلکس کی اب تک کی سب سے مقبول سیریز ہے جس کی لانچنگ کے بعد پہلے 28 دنوں میں اسے 111 ملین صارفین نے اسٹریم کیا۔