سی ڈی ڈی تھانہ کبل دھماکے تخریب کاری نہیں، آئی جی خیبر پختونخوا

سی ڈی ڈی تھانہ کبل میں دو دھماکوں میں جاں بحق افراد کی تعداد 16 ہو گئی ہے، 9 پولیس اہلکاروں کی نماز جنازہ ادا کر دی گئی۔

آئی جی خیبرپختونخوااختر حیات خان نے جائے وقوعہ کا دورہ کیا، آئی جی کے مطابق دھماکے میں 50 کے قریب افراد زخمی ہوئے ہیں۔

ان کا کہنا تھا کہ زخمی ہونے والوں میں زیادہ تر تعداد پولیس اہلکاروں کی ہے،44 پولیس اہلکار زخمی جبکہ کچھ شہری بھی دھماکے میں زخمی ہوئے ہیں۔

کبل دھماکا تخریب کاری نہیں ہے،دھماکے میں غفلت اوردیگرپہلووں پر تفتیش جاری ہے،ابتدائی تحقیقات کے بعد پولیس نے دہشت گردی کا امکان رد کر دیا ہے۔

سوات کے ڈی پی او شفیع اللہ گنڈاپور کے مطابق باہر سے کسی حملے کے شواہد نہیں ملے، دھماکا تہہ خانے میں پڑے بارود میں ہوا، ان کا کہنا تھا کہ وجہ شارٹ سرکٹ بنا یا کچھ اور؟ اس حوالے سے تحقیقات کی جا رہی ہے،سوات کے ڈی پی او کے مطابق ایک دھماکے کے 12منٹ بعد دوسرا دھماکا ہوا۔