پاکستان کے سینئر سیاستدان سابق سینیٹر انور بیگ اسلام آباد میں انتقال کرگئے، سیاسی قیادت نے شدید رنج و غم کا اظہار کیا ہے۔
انور بیگ ماضی میں پیپلزپارٹی کے سینیٹر رہ چکے ہیں بعدازاں ن لیگ کا حصہ بنے لیکن ن لیگ سے ناراض ہوکر پارٹی چھوڑدی تھی۔۔
انوربیگ پیپلز پارٹی اور مسلم لیگ ن کا حصہ بھی رہے، پیپلز پارٹی کے سابق دور حکومت میں وہ بینظیر انکم سپورٹ پروگرام کے چیئرمین بھی رہے۔
انور بیگ کی نمازِ جنازہ کل بروز ہفتہ بعد نمازِ ظہر ادا کی جائے گی اور تدفین اسلام آباد ایچ 8 قبرستان میں ہوگی۔ انور بیگ کے انتقال پر مختلف سیاسی و سماجی شخصیات نے افسوس کا اظہار کیا ہے۔
انور بیگ کا شمار پاکستان کے سینئر ترین سیاستدانوں میں ہوتا تھا، گزشتہ کچھ عرصے سے وہ سیاسی منظر نامے سے غائب تھے جبکہ 2022 میں پی ڈی ایم حکومت کے قیام پر سیاسی قیادت کے اتحاد پر کڑی تنقید بھی کی تھی۔