ریاض:عمرہ کی ادائیگی کیلئے سعودی عرب جانے والے پاکستانی خاندان کی گاڑی حادثے کا شکار ہوگئی، ایک ہی خاندان کے 9 افراد جاں بحق اور 5 شدید زخمی ہوگئے۔
متاثرہ فیملی عمرہ کی ادائیگی کے بعد ریاض جاتے ہوئے القصیم کے قریب حادثےکا شکار ہوئی۔حادثے میں 9 افراد کے جاں بحق ہونے کی تصدیق ہو گئی ہے جن میں خواتین اور بچے بھی شامل ہیں جب کہ 5 زخمی ہیں جنہیں طبی امداد کے لیے اسپتال منتقل کر دیا گیا ہے۔
متاثرہ فیملی کا تعلق پنجاب ننکانہ صاحب کے نواحی گاؤں اسلام نگر اور چک 18 سے ہے، حادثے میں زخمی ہونے والوں میں سے کچھ کی حالت تشویشناک بتائی جارہی ہے۔
واضح رہے کہ کورونا وائرس کی وجہ سے عائد پابندیاں ختم ہونے کے بعد امسال دنیا بھر سے 2 کروڑ سے زائد زائرین عمرہ کی ادائیگی کیلئے سعودی عرب پہنچ چکے ہیں۔
حادثے کا شکار ہونے والا خاندان بھی عمرہ کی ادائیگی کیلئے سعودی عرب آیا تھا اور عمرہ کی ادائیگی کے بعد ریاض جاتے ہوئے حادثہ پیش آگیا۔