امریکہ: سالگرہ پارٹی میں فائرنگ سے چار افراد ہلاک، متعدد زخمی

امریکہ کی ریاست الباما میں حکام نے کہا ہے کہ سالگرہ کی پارٹی میں فائرنگ سے چار افراد ہلاک جبکہ متعدد زخمی ہوئے۔

امریکی نیوز ایجنسی ایسوسی ایٹڈ پریس کے مطابق الباما لا انفورسمنٹ ایجنسی نے بتایا فائرنگ سنیچر کی رات ہوئی، لیکن ابھی تک یہ تصدیق نہیں ہو سکی کہ واقعہ پیش آنے کی وجہ کیا ہے۔

ابھی تک یہ بھی معلوم نہیں کہ کسی مشتبہ شخص کو حراست میں لیا گیا ہے۔

ہی فائرنگ ریاست الباما کے قصبے دیڈوائل میں ہوئی۔ پولیس ڈیپارٹمنٹ کے اہلکار پاسٹر بین ہیز نے کہا کہ فائرنگ کا شکار ہونے والے زیادہ تر نوجوان ہیں کیونکہ یہ ایک 16 سالہ لڑکے کی سالگرہ تھی۔ ان کے مطابق فائرنگ سے یہ چھوٹا سا قصبہ دہل گیا جہاں اس طرح کے جرائم بہت کم ہوتے ہیں۔

’قتل ہونے والا نوجوان ہمارے سٹار ایتھلیٹس میں سے ایک تھا۔ میں ان میں سے بہت سے طلبا کو جانتا ہوں۔ دیڈوائل ایک چھوٹا قصبہ ہے اور اس واقعے سے ہر کوئی متاثر ہو گا۔‘

ڈبلیو آر بی ایل ٹی وی کی رپورٹ کے مطابق یہ فائرنگ ایک ڈانس سٹوڈیو میں ہوئی۔

الباما کے گورنر کے آویے نے کہا کہ ’آج صبح میں ڈیڈوائل کے لوگوں کے غم میں شریک ہوا۔ پرتشدد جرائم کی ہماری ریاست میں کوئی جگہ نہیں ہے۔‘

ریاست الباما کے مشرق میں واقع ڈیڈ وائل قصبے کی آبادی 32 سو نفوس پر مشتمل ہے۔