وفاقی دارالحکومت اسلام آباد کی ٹریلز پر ہائیکنگ کرتے ہوئے شہری کا تیندوے سے سامنا ہوا، شہری نے مناظر کیمرے کی آنکھ میں ریکارڈ کرلیے۔
مارگلہ کی پہاڑیوں میں موجود ٹریل فائیو پر تیندوے کی موجودگی کی ویڈیو سوشل میڈیا پر وائرل ہوگئی۔ ویڈیو میں تیندوے کو ٹریک کراس کر کے جھاڑیوں میں جاتے دیکھا جا سکتا ہے۔ ویڈیو ٹریل فائیو پر ہائیکنگ کرنے آئے شہری کی جانب سے ریکارڈ کی گئی۔
Leopard spotted in Islamabad
Trail 5, Margalla #HamaraPakistan
— Umar K. (@umarkamran96) April 3, 2023
خیال رہے کہ اس سے قبل اسلام آباد کے گاؤں سیدپور میں بھی تیندوے کی موجودگی کے شواہد ملے تھے جس کے بعد مارگلہ کی پہاڑیوں کے ٹریل تھری کو سیل کردیا گیا تھا۔
اسلام آباد میں تیندوا موجود ہے، شواہد مل گئے،ٹریل3 سیل
حال ہی میں اسلام آباد کے علاقے ڈی ایچ اے فیز 2 میں تیندوے کی موجودگی نے بھی سب کو حیران کردیا تھا۔ تحقیقات کرنے کے بعد وائلڈ لائف بورڈ کی جانب سے کہا گیا تھا کہ تیندوا جنگل سے نہیں بلکہ شہری آبادی سے آیا تھا۔