کسی شخص نے کبھی اسٹیبلشمنٹ کو اتنا نہیں ڈرایا جتنا میں نے ڈرایا ہے، عمران خان

تحریک انصاف کے چیئرمین و سابق وزیراعظم عمران خان نے امریکی جریدے کو دیے گئے انٹرویو میں کہا کہ الیکشن کے بعد نئے سماجی معاہدے کی ضرورت ہے۔

جنہوں نے مجھے مارنے کی کوشش کی وہ اب بھی اقتدار میں بیٹھے ہیں، ان کا کہنا تھا کہ مجھے مارنے کی کوشش کرنے والے گھبرائے ہوئے ہیں۔

ان لوگوں کو ڈر ہے واپس آیا تو ان کا احتساب ہوگا، عمران خان کا کہنا تھا کہ کسی شخص نے کبھی اسٹیبلشمنٹ کو اتنا نہیں ڈرایا جتنا میں نے ڈرایا ہے۔

انہوں نے انٹرویو کے دوران کہا کہ اگر سابق آرمی چیف کو کرپشن مسئلہ نہیں لگتا تھا تو کچھ نہیں ہوسکتاتھا، میں بے بس تھا،ملک میں اس طرح کا کریک ڈاؤن کبھی نہیں ہوا جو آج کل ہورہا ہے۔