پاکستان پیپلز پارٹی کے رہنما نبیل گبول کو ایک پوڈکاسٹ میں نامناسب الفاظ استعمال کرنے پر پارٹی کی جانب سے شوکاز نوٹس جاری کردیا گیا۔
سوشل میڈیا پر دیے جانے والے انٹرویو میں نبیل گبول نے ایک سوال کے جواب میں کچھ غیر مناسب الفاظ کا استعمال کیا جس پر پیپلز پارٹی سندھ کے صدر نثار کھوڑو کی طرف سے انہیں شوکاز نوٹس جاری کردیا گیا ہے۔
ترجمان پیپلز پارٹی کی طرف سے نبیل گبول کو 3 دن کے اندر وضاحت کرنے کی ہدایت کی گئی ہے، وضاحت نہ کرنے کی صورت میں نبیل گبول کے خلاف تنظیمی نظم و ضبط کی کارروائی عمل میں لائی جاسکتی ہے۔ پیپلز پارٹی کے مطابق نا مناسب گفتگو اور غیر پارلیمانی الفاظ کا استعمال پیپلز پارٹی کی پالیسی نہیں ہے۔
سماجی رابطے کی ویب سائٹ ٹوئٹر پر نبیل گبول اپنے اس بیان کی وجہ سے ٹرینڈ بھی کرتے رہے۔ ٹوئٹر صارفین کی جانب سے سخت ردعمل کا اظہار کرتے ہوئے فوری ایکشن لینے کی اپیل کی گئی تھی۔