فٹبال کی دنیا کے بادشاہ کھلاڑی کرسٹیانو رونالڈو ان دنوں سعودی عرب میں کھیل کا مظاہرہ پیش کر رہے ہیں ساتھ ہی سعودی پرتعیش طرز زندگی کا بھی لطف لے رہے ہیں۔
'ہماری ویب' ڈاٹ کے اس آرٹیکل میں نامور فٹبال کھلاڑی رونالڈو سے متعلق بتائیں گے جن کے بارے میں یہ خبریں زیر گردش ہیں کہ انہوں نے حجامہ تھیراپی کروائی ہے مگر اس حوالے سے واضح طور پر نہیں کہا جا سکتا ہے کہ انہوں نے حجامہ کروایا ہے۔ حجامہ کوانگریزی زبان میں کپنگ تھیراپی(Cupping Therapy) کہا جاتا ہے۔
رونالڈو کی فٹبال کے میدان سے ایک تصویر وائرل ہو رہی ہے جس میں ان کی ٹانگ پر گول سیاہ دھبا دیکھا گیا، اب وہ تو اسٹار کھلاڑی ہیں ان سے متعلق معمولی چیز بھی مداح نظر میں رکھتے ہیں۔
تو یہ خبر سوشل میڈیا پر چل رہی ہے کہ کیا رونالڈو بھی حجامہ کرانے لگے ہیں۔ کپنگ تھراپی یعنی حجامہ حالیہ برسوں میں مقبولیت حاصل کر رہی ہے، اور یہ صرف عام لوگوں میں نہیں ہے۔
بہت سے پیشہ ور کھلاڑی بھی اس قدیم شفا یابی کے عمل کی طرف آرہے ہیں تاکہ وہ اپنی بہترین کارکردگی کا مظاہرہ کر سکیں۔
رونالڈو جن کی فٹنس کی دنیا تعریف کرتی ہے انہوں نے اب حجامہ بھی کروایا ہے۔
حجامہ کا ذکر سنت میں بھی ملتا ہے، جو کہ نبی محمد صلی اللہ علیہ وسلم کے طرز زندگی اور قانونی نظیر کے لیے عربی اصطلاح ہے۔
مختلف روایتوں میں آتا ہے کہ حجامہ ایک قدیم ترین اور نبی کریم حضرت محمدﷺ اور ملائکہ کا تجویز کردہ عمل ہے، حضرت محمدﷺ نے حجامہ لگانے کو افضل عمل قرار دیا ہے، اس قدیم طریقہ علاج میں جسم کے 143 مقامات سے مضر صحت خون نکالا جا سکتا ہے۔
رونالڈو کے مسلمان مداحوں کو اس بات کی خوشی ستا رہی ہے کہ ان کے پسندیدہ کھلاڑی نے بھی نبی کریم ﷺ کی سنت پر عمل کرنا شروع کر دیا ہے جس کے بعد پرستاروں کے دلوں میں رونالڈو کے لیے مزید جگہ بن گئی ہے۔
حجامہ میں کن بیماریوں کا علاج پوشیدہ ہے؟
حجامہ کروانے سے بلڈ پریشر، ذہنی دباؤ ، جوڑوں، پٹھوں ، کمر ، ہڈیوں ، سر (درد شقیقہ) مائیگرین، یرقان، دمہ، ایکنی، کیل مہاسوں، قبض، بواسیر، فالج، موٹاپا، کولیسٹرول، مرگی، گنجاپن اور موسمی الرجی سمیت متعدد بیماریوں کا علاج ممکن ہے۔