پاکستان کے مختلف شہروں میں زلزلے کے شدید جھٹکے، شہری گھروں سے باہر نکل آئے

آج صبح زلزلے کے جھٹکے خیبر پختونخوا اور پنجاب کے مختلف علاقوں میں محسوس کیے گئے ہیں۔ خوف کی وجہ سے گھروں میں سوئے لوگ کلمہ طیبہ پڑھتے ہوئے اپنے گھروں سے باہر نکل آئے۔ ریکٹر اسکیل پر شدت 6.5 ریکارڈ کی گئی جبکہ امریکی جیولوجیکل سروے کے مطابق تاجکستان میں آنے والے زلزلے کی ریکٹر اسکیل پر شدت 6.8 ریکارڈ کی گئی ہے اور اس کی گہرائی 20 کلو میٹر زیر زمین تھی۔ زلزلے کا مرکز تاجکستان کے علاقے علیچر سے 47 کلو میٹر دور ہے۔

اس کے علاوہ ازبکستان، چین، بھارت، افغانستان اور کرغزستان میں بھی زلزلے کے جھٹکے محسوس کیے گئے ہیں۔ ترکی میں آنے والے زلزلے کے بعد پوری دنیا میں زلزلے کے جھٹکوں سے خوف پیدا ہوگیا ہے۔ ترکی میں زلزلے کے بعد یہ پاکستان میں آنے والا تیسرا جھٹکا ہے جس کی شدت 5 اشاریہ سے زیادہ ہے۔