صدر عارف علوی نے پنجاب اور خیبرپختونخوا میں انتخابات کی تاریخ دے دی۔
ذرائع کے مطابق صدر کا کہنا ہے کہ دونوں صوبوں میں انتخابات 9 اپریل کو کرائے جائیں گے۔
صدر نے الیکشن کمیشن ایکٹ 2017 کے سیکشن 57 کے تحت تاریخ کا اعلان کیا ہے۔ ان کا کہنا ہے کہ دونوں گورنرز الیکشن کی تاریخ دینے کی آئینی ذمہ داری پوری نہیں کر رہے۔
انہوں نے کہا کہ آئین کے تحت آئین کے تحفظ اور دفاع کا حلف لیا ہے، کسی بھی عدالتی فورم کی جانب سے کوئی حکم امتناع نہیں۔ سیکشن 57 ایک کے تحت صدر اختیار کے استعمال میں کوئی رکاوٹ نہیں۔
ان کا کہنا تھا کہ آئین اور قانون 90 دن سے زائد کی تاخیر کی اجازت نہیں دیتا، آئین کی خلاف ورزی سے بچنے کیلئے الیکشن کی تاریخ دینا آئینی فرض سمجھتا ہوں۔