“شعیب ملک ،عائشہ عمر اسکینڈل: “شادی شدہ مرد سے متاثر نہیں ہوتی

شوبز انڈسٹری کی معروف اداکارہ عائشہ عمر نے شعیب ملک کے ساتھ بولڈ فوٹو شوٹ پر کھڑی ہونے والی کنٹرورسی  پر خاموشی توڑ دی۔

ایک انٹرویو کے دروان عائشہ عمر نے میزبان شعیب اختر کے سوال  کا جواب دیتے ہوئے کہا کہ میں کبھی بھی کسی شادی شدہ مرد سے نہ متاثر ہوتی ہوں اور نہ کوئی کمیٹمنٹ کرتی ہوں۔

انہوں نے کہا کہ انڈسٹری کے لوگ جانتے ہیں میں بلکل ایسی نہیں، جو کسی شادی شدہ مرد کی زندگی کا حصہ بننے کی کوشش کروں۔ جس پر میزبان نے سوال کیا کہ کنٹرورسی کیوں بڑی ہوئی؟ جس پر عائشہ نے کہا کہ یہ سرحد پار چھوڑا گیا شوشہ تھا۔

واضح رہے کہ شعیب ملک نے عائشہ عمر کے ساتھ ایک میگزین کے لئے بولڈ فوٹو شوٹ کروایا تھا، جس پر بھارتی میڈیا نے یہ الزام لگایا تھا کہ ثانیہ اور شعیب میں علیحدگی کی وجہ عائشہ عمر اور شعیب کا یہی فوٹو شوٹ بنا۔