زنجیروں سے باندھا اور ۔۔ بیٹوں نے جائیداد کیلئے بوڑھے ماں باپ کا کیا حال کیا، درد ناک کہانی

پنجاب میں بیٹوں نے جائیداد کے لالچ میں بوڑھے باپ کو تشدد کرکے زنجیروں سے باندھ کر قید کردیا، ماں اور بہن کا جینا بھی محال، پولیس نے مظلوم شخص کو بازیاب کروالیا۔

سوشل میڈیا پر وائرل ویڈیو میں دیکھا گیا کہ پنجاب پولیس نے ایک یوٹیوبر کی اطلاع پر ایک گھر پر چھاپہ مارا جہاں سے زنجیروں میں بندھے 60 سال کے بوڑھے شہری کو قید سے بازیاب کروایا۔

بزرگ شہری نے بتایا کہ میں نے بہت محنت سے یہ گھر بنایا ہے، بیٹے کام نہیں کرتے بلکہ جوئے اور نشے کی لت میں مبتلا ہیں، میں نوکری کرکے ایک لاکھ سے زیادہ تنخواہ لاتا تو وہ بھی یہ چھین لیتے تھے، میں نے بیٹوں کو بہت سمجھایا لیکن وہ بری روش چھوڑنے کو تیار نہیں تھے۔

میں نے جائیداد بیوی اور بیٹی کے نام کرنے کی دھمکی دی تو انہوں نے جائیداد کیلئے مجھے بری طرح مارا اور زنجیروں سے باندھ کر قید کردیا، مجھے کئی کئی روز بعد کھانا اور پانی دیا جاتا تھا۔میری بیوی اور بیٹی کے ساتھ بھی ظلم و جبر کرتے رہے۔

پولیس نے مغوی شہری کے تینوں بیٹوں کو گرفتار کرکے قانونی کارروائی کا آغاز کردیا ہے جبکہ باپ کا کہنا ہے کہ ان نافرمان بیٹوں کی رہائی کیلئے میں ان کے پیچھے بالکل نہیں جاؤنگا بلکہ قانون جو بھی ان کے ساتھ کریگا میں ساتھ دونگا۔