نقیب اللہ محسود قتل کیس میں اے ٹی سی کراچی نے سابق ایس ایس پی ملیر راؤ انوارسمیت 4 ملزمان کو بری کردیا۔
سابق ایس ایس پی ملیر راؤ انوار اور دیگر ملزمان اے ٹی سی کراچی میں پیش ہوئے، سابق ایس ایس پی راؤ انوار اور دیگر ملزمان پر 25 مارچ 2019 کو فرد جرم عائد ہوئی تھی، ملزمان نے صحت جرم سے انکار کیا تھا، کیس میں 60 گواہان تھے۔
عدالت نے مدعی مقدمہ اور ملزمان کے وکلا کے دلائل کے بعد فیصلہ محفوظ کیا تھا، وکیل نے کہا کہ راؤ انوار اور ان کی ٹیم کے خلاف تمام ریکارڈ بھی ختم کردیئے گئےتھے۔
واضح رہے 13جنوری 2018 کو شاہ لطیف ٹاؤن میں نقیب اللہ اور دیگر 3 افراد کومبینہ پولیس مقابلے میں مارا گیا تھا، نقیب اللہ محسود قتل کیس 5سال انسداد دہشت گردی کی خصوصی عدالتوں میں زیر سماعت رہا، مقدمہ نقیب اللہ کے والد کی مدعیت میں درج کیا گیا تھا جس میں راو انوار سمیت انکی ٹیم کو نامزد کیا گیا تھا۔