گورنر خیبرپختونخوا حاجی غلام علی نے محمد اعظم خان کو نگران وزیراعلٰی خیبرپختونخواہ تعینات کر دی ہے۔ گورنر کی جانب سے محمد اعظم خان کی بطور نگران وزیراعلٰی خیبرپختونخواہ تعیناتی کا اعلامیہ جاری کر دیا گیا ہے۔
واضح رہے گزشتہ رات حکومت اور اپوزیشن کے درمیان نگران وزیراعلیٰ خیبرپختونخوا کے نام پر اتفاق ہو گیا تھا، ذرائع کے مطابق فیصلہ وزیر اعلیٰ محمود خان اور اپوزیشن لیڈر اکرام خان درانی کے درمیان ملاقات میں ہوا، اعظم خان کا نام اپوزیشن کی جانب سے پیش کیا گیا تھا۔
یہ بھی پڑھیں:
گورنر خیبرپختونخوا غلام علی نے وزیر اعلیٰ محمود خان اور اپوزیشن لیڈر اکرم خان درانی کو مشاورت کے ذریعے نگران وزیراعلیٰ کے لیے ایک متفقہ نام تجویز کرنے کی ہدایت کی تھی۔
عوامی نیشنل پارٹی (اے این پی) کی جانب سے سابق آئی جی ظفراللہ خان کا نام تجویز کیا گیا تھا۔
نگران وزیراعلیٰ خیبرپختونخوا کی تقرری کے لیے گورنر کو مراسلہ ارسال کر دیا گیا۔ مراسلے پر وزیر اعلیٰ محمود خان اور اپوزیشن لیڈر اکرم درانی کے دستخط موجود ہیں۔