پرویز الہٰی کے 3 ناموں پر زیادہ اختلاف نہیں، ملک احمد خان

اپوزیشن لیڈر حمزہ شہباز کے نمائندے ملک احمد خان نے کہا ہے کہ پرویز الٰہی کی جانب سے تجویز کیے گئے ناموں کو میرٹ کی بنیاد پر دیکھیں تو کوئی خاص اختلاف نہیں ہے۔

انہوں نے کہا کہ پرویز الہی اور وزیر اعظم شہباز شریف سے بھی ملاقات ہوئی ہے اور انہوں نے نگراں وزیر اعلی کے لیے وزیر اعظم سے مشاورت مکمل کر لی ہے۔  وزیراعظم آج شارٹ لسٹ کیے گئے نام آصف علی زرداری کے سامنے رکھیں گے۔

ملک احمد خان  نے کہا کہ اتحادیوں سے مشاورت کے بغیر نام بتانا مناسب نہیں اس لیے آصف زرداری سے مشاورت کے بعد آج شام تک تین نام گورنر پنجاب کو بھجوا دیں گے۔

خیال رہے کہ آج رات دس بج کر دس منٹ پر وزیر اعلیٰ اور اپوزیشن لیڈر کی مشاورت کا آئینی وقت ختم ہو جائے گا۔