کراچی…… ثانوی تعلیمی بورڈ کراچی نے سال 2022ء ایس ایس سی پارٹ ون (جماعت نہم) سائنس اور جنرل گروپ ریگولر کی مارک شیٹس 2گلشن اقبال28دسمبر 2022ء سے جاری کرنے کا اعلان کر دیا ہے۔
تفصیلات کے مطابق چیئرمین ثانوی تعلیمی بورڈ سید شرف علی شاہ کی ہدایت کے مطابق ناظم امتحانات عمران طارق نے تمام الحاق شدہ تعلیمی اداروں کے سربراہان سے کہا ہے کہ وہ متعلقہ تاریخوں کو اپنے اتھارٹی لیٹر،شناختی کارڈ کی فوٹو کاپی یا اپنے نمائندے کی آفس کارڈ کی کاپی کے ساتھ بورڈ آفس کی پہلی منزل بلاک B کانفرنس ہال سے صبح 10:00 بجے سے شام 5:00بجے تک مارک شیٹس حاصل کر سکتے ہیں۔
انہوں نے اسکولوں کے سربراہان کو ہدایت کی ہے کہ مارک شیٹس حاصل کرنے کے بعد فوری طور پر طلباء وطالبات کو لازمی دے دی جائیں۔ پرائیویٹ سائنس گروپ امیدواروں کی مارک شیٹس ان کے دیئے گئے رہائشی پتوں پر ارسال کر دی گئی ہیں۔ شیڈول کے مطابق بدھ28دسمبر کو نیو کراچی، نارتھ ناظم آباد، گلبرگ، لیاقت آباد،گلشن اقبال۔
جمعرات29دسمبر کو جمشید ٹاؤن، شاہ فیصل کالونی، لانڈھی، کورنگی، ملیر،بن قاسم،صدر اورجمعہ 30دسمبر کو صبح 10:00بجے سے سہ پہر 12:00 بجے اور سہ پہر 3:00بجے سے شام 5:00بجے تک لیاری، کیماڑی، بلدیہ ٹاؤن، سائٹ، اورنگی ٹاؤن،گڈاپ کی مارک شیٹس حاصل کر سکیں گے۔
بعد از اں نتائج سے مطمئن نہ ہونے والے طلباء وطالبات اسکروٹنی فارم نیشنل بینک بورڈ آفس برانچ اور بورڈ سے متصل یونائیٹڈ بینک، عسکری کمرشل بینک اور بورڈ آفس بوتھ سے یہ فارم حاصل کر کے انہی بینکوں میں 2جنوری 2023سے یکم فروری تک اپنی مارک شیٹ کی فوٹو کاپی فارم کے ساتھ لگا کر جمع کرا سکتے ہیں۔