سردیوں کا موسم ہے جس میں گیس کی بندش کا عمل تیزی سے جاری ہے اور لوگ بنا گیس کے کھانا باہر سے منگوانے پر مجبور ہیں یا تو گھنٹوں گیس کا انتظار کرنے پر۔
اب گھنٹوں بعد بھی اگر گیس نہیں آتی تو لکڑیوں اور کوئلوں پر آگ لگا کر کھانا تیار کیا جاتا ہے جوکہ آسان کام نہیں۔ مگر ایک ایسی چیز آپ کے گھروں میں رکھی ہے جسے آپ سردیوں میں ہی استعمال کرتے ہیں وہ آپ کی مدد کرسکتی ہے۔ وہ چیز عام اور سستی ویزلین ( پیٹرولیم جیلی) ہے جس کی مدد سے آپ آگ بھی لگا سکتے ہیں کیونکہ لکڑیوں پر کبھی کبھار آگ جلدی نہیں بھڑکتی تو اس کی مدد سے آپ کی پریشانی دور ہوسکتی ہے۔ جاننے کے لیے ویڈیو دیکھیں۔
پیٹرولیم جیلی کا صرف ایک یہی فائدہ نہیں ہے بلکہ اس کے پندرہ سے زائد کمالات ہیں مگر ہم آپ کو 5 بتائیں گے۔
گھروں میں موجود لکڑی کے فرنیچر پر پانی کے گلاس سے بننے والے گول داغ اپنے نشانات چھوڑ دیتے ہیں، انہیں ختم کرنے کے لیے پٹرولیم جیلی رات بھر کے لیے ان گول نشانات پر لگا کر چھوڑ دیں اور پھر صبح صاف کرلیں نتیجہ سامنے آجائے گا۔
بوتل کا ڈھکن ٹائٹ ہوجاتا ہے تو پریشان نہ ہوں۔ معمولی سی پیٹرولیم جیلی کو بوتل کے اوپری گھیرے پر مل دیں، اگلی بار آپ کو کھولنے میں کوئی مسئلہ نہیں ہوگا۔
دروازے کی چڑچڑاہٹ والی آواز اکثر آپ کی طبیعت پر ناگوار گزرتی ہے تو ان پریشان کرنے والی آوازوں کو خاموش کرانے کے لیے پٹرولیم جیلی کو دروازے کے قبضے پر لگا کر اس کا فائدہ اپنی آنکھوں سے دیکھیں۔
پیٹرولیم جیلی کی مدد سے آپ چمڑے کے جوتوں کو بھی چمکا سکتے ہیں۔