پاکستان کے مقبول ترین ایونٹ پی ایس ایل کے آٹھویں ایڈیشن کیلئے کھلاڑیوں کی ڈرافٹنگ کا عمل مکمل کرلیا گیا ہے، اس بار بھی شائقین کو دلچسپ اور کانٹے دار مقابلے دیکھنے کو ملیں گے کیونکہ اس ایونٹ میں ایلکس ہیلز، لیام ڈاؤسن، ڈیوڈ ملر، میتھیو ویڈ، عمران طاہر، روومن پوویل سمیت کئی عالمی کھلاڑی پھر سے اپنا شاندار کھیل دکھائیں گے۔
پاکستان سپر لیگ کا آٹھواں ایڈیشن 9 فروری سے 19 مارچ تک لاہور، ملتان، کراچی اور راولپنڈی میں کھیلا جائے گا۔ اگر ان ٹیموں کے ساتھ بات کی جائے تو پی ایس ایل 8 کا سیزن بڑا کانٹے دار ہوگا اور کسی ٹیم کو آپ فیورٹ نہیں کہہ سکتے، ٹورنامنٹ وہی ٹیم جیتے گی جو اچھے کھیل کا مظاہرہ کرے گی۔
8 ویں ایڈیشن کے لیے ملکی اور غیر ملکی کھلاڑیوں کی ڈرافٹنگ میں فرنچائز نے مختلف کیٹگریز میں اپنے پسندیدہ کھلاڑیوں کو منتخب کیا جبکہ اسلام آباد یونائیٹڈ، کراچی کنگز، لاہور قلندرز، شاور زلمی، ملتان سلطانز اور کوئٹہ گلیڈی ایٹرز کو 8 کھلاڑی برقرار رکھنے کا استحقاق دیا گیا ہے جب کہ کھلاڑیوں کو دوسری ٹیموں کے کھلاڑی سے تبدیل کا حق بھی میسر آئے گا۔
پلاٹینیم کیٹگری میں لاہور قلندرز نے فخر زمان، کوئٹہ گلیڈی ایٹرز نے وانندو ہسرنگا اور نسیم شاہ، ملتان سلطانز نے ڈیوڈ ملر، کراچی کنگز نے میتھیو ویڈ، اسلام آباد یونائیٹڈ نے ایلکس ہیلز اور پشاور زلمی نے راجا پکسا کا انتخاب کیا۔
دوسری باری میں کراچی کنگز نے عمران طاہر، پشاور زلمی نے روومن پوویل، اسلام آباد یونائیٹڈ نے رحمان اللہ گرباز اور ملتان سلطانز نے جوش لٹل کا انتخاب کیا۔ نسیم شاہ کو ملتان سلطانز نے منتخب کیا لیکن کوئٹہ گلیڈی ایٹرز نے انہیں اپنی ٹیم میں برقرار رکھا جبکہ اسلام آباد نے ایلکس ہیلز کو برقرار رکھا۔
ڈائمنڈ کیٹگری میں لاہور قلندر نے حسین طلعت، کوئٹہ گلیڈی ایٹرز نے اولین اسمتھ،اسلام آباد یونائیٹڈ نے فضل حق فاروقی، پشاور زلمی نے مجیب الرحمان اور کراچی کنگز نے جیمز ونز، جیمز فلر کا انتخاب کیا۔
گولڈ کیٹگری میں کراچی کنگز نے اینڈریو ٹائی، لاہور قلندرز نے لیام ڈاؤسن،پشاور زلمی نے دانش عزیز، کوئٹہ گلیڈی ایٹرز نے احسان علی، لاہور قلندرز نے سکندر رضا، ملتان سلطانز نے عقیل حسین اور پشاور زلمی نے ارشد اقبال کو منتخب کیاہے۔
اب اگر ٹیموں پر نظر ڈالیں تو اسلام آباد یونائیٹڈ کی ٹیم شاداب خان، ایلکس ہیلز، رحمان اللہ گرباز، آصف علی، فضل حق فاروقی ، وسیم جونیئر، اعظم خان، فہیم اشرف، حسن علی، ابرار احمد، کولن منرو، پال اسٹرلنگ ، رومان رئیس، صہیب مقصود ، حسن نواز، ذیشان ضمیر ، معین علی اور مبصر خان پر مشتمل ہے۔
کراچی کنگزکو عماد وسیم ،حیدر علی، عمران طاہر ، میتھیو ویڈ ، جیمز فلر ، جیمز ونس ، اینڈریو ٹائی ، محمد عامر، شعیب ملک ، عامر یامین، میر حمزہ، محمد اخلاق، شرجیل خان، طیب طاہر ، عرفان خان نیازی، قاسم اکرم ، محمد عمر اور تبریز شمسی پر مشتمل ہے۔
ملتان سلطانز کو محمد رضوان ، ڈیوڈ ملر ، جوش لٹل ، خوشدل شاہ، ریلی روسو ، شان مسعود ، عقیل حسین ، شاہنواز دہانی، ٹم ڈیوڈ ، انور علی، سمین گل، سرور آفریدی، اسامہ میر، عثمان خان ، عباس آفریدی، احسان اللہ ، عادل رشید اور عرفات منہاس کی خدمات حاصل ہیں۔
پشاور زلمی بابر اعظم، روومین پاول، بھانوکا راجا پاکسا ، مجیب الرحمان ، شیرفین ردرفورڈ، وہاب ریاض، ارشد اقبال، دانش عزیز، محمد حارث ، عامر جمال، ٹام کوہلر کیڈمور، صائم ایوب، سلمان ارشاد، عثمان قادر ، حسیب اللہ خان، سفیان مقیم ، جمی نیشم کا ساتھ حاصل ہوگا۔
کوئٹہ گلیڈی ایٹرز کیلئے سرفراز احمد، محمد نواز، نسیم شاہ، ونندو ہسرنگا ، افتخار احمد، جیسن رائے ، اوڈین اسمتھ ، احسن علی، محمد حسنین، ، محمد زاہد، نوین الحق ، عمر اکمل، عمید آصف، ول سمیڈ ، ایمل خان، عبدالواحد بنگلزئی ،مارٹن گپٹل اور عمیر بن یوسف میدان میں نظر آئینگے۔
2021 کی چمپئن لاہور قلندرز کو شاہین آفریدی، فخر زمان، راشد خان، ڈیوڈ ویز، حسین طلعت، حارث رؤف ، عبداللہ شفیق، لیام ڈاسن، سکندر رضا، احمد دانیال، دلبر حسین، ہیری بروک ، کامران غلام، مرزا طاہر بیگ، شاویز عرفان، زمان خان، جلات خان اور جارڈن کاکس کا ساتھ حاصل ہوگا۔