مارچ کا مہینہ شروع ہوچکا ہے۔ جن لوگوں کی سالگرہ اس مہینے میں آتی ہے وہ تو اس ماہ کا بے صبری سے انتظار کر رہے ہوں گے۔ ہر ماہ کی اپنی الگ حیثیت ہے۔ اگر ستاروں کے حوالے سے بات کی جائے تو سب کی الگ خصوصیات ہیں۔
اگر ستاروں کے حوالے سے بات کی جائے تو مارچ میں پیدا ہونے والوں کا ستارہ حوت ہوتا ہے۔
موافق پتھر اور رنگ:
کچھ لوگ اپنے ماہِ پیدائش کے حساب سے پتھر پہننے کے کافی شوقین ہوتے ہیں، تاہم برج حوت کے افراد کے لیے موافق پتھر aquamarine ہوتا ہے۔ رنگ کی بات کی جائے تو حوت افراد کے لیے موافق رنگ لیونڈر ہوتا ہے جو پیازی نما ہوتا ہے۔ان افراد کا لکی نمبر 3 اور 7 ہوتا ہے۔ آئیں اب جانتے ہیں اس ماہ پیدا ہونے والے افراد کی کچھ دیگر خصوصیات کے بارے میں۔
1 ہر بات دل میں چھپانے والے
مارچ میں پیدا ہونے والے ہر بات بتانے والے نہیں ہوتے، یہ لوگ زیادہ تر باتیں اپنے تک ہی محدود رکھتے ہیں جس کی سب سے بڑی وجہ یہ ہے کہ یہ افراد کافی شرمیلے ہوتے ہیں۔ انہیں دوسروں سے گھلنے ملنے میں وقت درکار ہوتا ہے۔
2 بات کے پکے
یہ افراد بات کے پکے ہوتے ہیں، ان کی کوشش ہوتی ہے کہ جو بات ایک مرتبہ زبان سے نکل جائے وہ پوری ہو کر رہے۔ ایسا ہی یہ دوسروں سے بھی چاہتے ہیں، ان افراد کا جو ایک بار اعتبار توڑ دے تو یہ دوبارہ اس شخص کا اعتبار ہرگز نہیں کرتے۔
3 پیسہ کمانے کا فن اور کامیابی :
مارچ میں پیدا ہونے والے افراد ذہین ہونے کے ساتھ ساتھ پیسہ کمانے کا فن بھی بہت خوب جانتے ہیں، لیکن ساتھ ہی یہ لوگ کھلے ہاتھ سے پیسہ خرچ کرتے ہیں جس کی وجہ سے ان کو اکثر و بیشتر تنگی کا سامنا کرنا پڑ جاتا ہے۔ لیکن یہ حد سے زیادہ ذہین ہوتے ہیں۔ جو ٹھان لیں وہ کرکے دم لیتے ہیں۔
4 سفر کے شوقین
برج حوت سے تعلق رکھنے والے افراد گھومنے پھرنے کے بہت شوقین ہوتے ہیں۔ یہ لوگ سفر کرنے میں کبھی نہیں کتراتے۔ ساتھ ہی یہ لوگ ایماندار، محبت کرنے ہوتے ہیں۔
5 دل کے اچھے
یہ افراد دِل کے اچھے اور سچے ہوتے ہیں، ان کی کوشش ہوتی ہے کہ ان کی ذات کسی کو نقصان پہنچانے کا باعث ہرگز نہ بنے۔