ہوائی جہاز ٹرین کی پٹری پر جا گرا اور ٹرین آگئی پھر ۔۔ جانیے حادثہ کیسے پیش آیا؟

جہاز کی لینڈنگ کے دوران اگر ذرا سی کوتاہی ہو جائے تو مسافروں سمیت ہوائی عملے کی جان مشکل میں پڑ جاتی ہے۔ لیکن اگر پرواز کے دوران کوئی اونچ نیچ ہو جائے تو جان جانے کے خطرات بڑھ جاتے ہیں۔ یہی معاملہ امریکا کی ریاست کیلی فورنیا میں پیش آیا جہاں جہاز ریل کی پٹری پر آگرا جس کے باعث پائلٹ شدید زخمی ہوگیا۔

معاملہ صرف یہیں ختم نہیں ہوا، جوں ہی جہاز پٹری پر آگرا 3 سے 6 سیکنڈ کے وقفے کے دوران سامنے سے ٹرین بھی پہنچ گئی، موقع پر موجود پولیس اہلکاروں نے پائلٹ کی جان بچالی۔ خوش قسمتی سے پائلٹ کی زندگی پولیس اہلکار کی حاضر دماغی کی وجہ سے بچ گئی۔