پاکستان بھارت کا میچ ہمیشہ ہی سے گرما گرم ہوتا ہے مگر یہ میچ اپنی نوعیت کا ہی تھا۔ جس طرح 2017 کا چیمپئینز ٹرافی تھا اس سے بھی بد تر خواب تھا بھارت کے لیے جو کہ حقیقت ثابت ہوا۔
بھارتی مداح بھی اپنی ٹیم کی جیت کے لیے پر اُمید تھے مگر شاید بھارتی میڈیا کی بے جا اڑان نے انہیں ہوا ہی میں اڑا دیا تھا۔
ایک ایسی ہی بھارتی اداکارہ نشرت بروچھا کی ویڈیو سوشل میڈیا پر وائرل ہوئی جس میں اداکارہ کروا چوتھ کا روزہ رکھے ہوئے تھیں اور سامنے ٹی وی پر پاک بھارت میچ دیکھ رہی تھیں۔
چہرے پر مسکراہٹ اور پہلے سے جیت کی خوشی صرف خوش فہمی ثابت ہوئی۔ پوسٹ میں لکھا تھا کہ کروا چوتھ پر دھیان دوں یا پھر پاکستان اور بھارت کے میچ پر۔
اداکارہ کو اب تک تو روزہ کھول لینا چاہیے کیونکہ اگر وہ بھارت کی جیت کا جشن منانے کا انتظار کر رہی تھیں، تو ہو سکتا ہے دن بھر بھوکا رہنے کے بعد اب ان کی خوشی ماند پڑ گئی ہو۔ لیکن پڑوسی ملک کی خوشی میں خوش ہو کر وہ کروا چوتھ کا روزہ کھول سکتی ہیں، کیونکہ پاکستانی بڑے دل والے ہیں۔