پُرانے دور میں ہر کسی کے گھر میں سٹیل کے برتنوں کی جگہ یہ ہاتھوں سے بنے یا تو مٹی کے برتن ہوتے تھے یا پھر درختوں کی چھالوں سے بنے برتن ہوتے تھے جن میں کھانے کا اپنا ایک الگ ہی مزہ تھا۔ آج hamariweb.com میں آپ کے لئے موجود ہیں دستکاری کئے اب برتنوں میں کھانا رکھنے اور کھانے کے فائدے جو یقیناً آپ کو بھی ایک مرتبہ پھر ان برتنوں کے استعمال کرنے پر آمادہ کردیں گے۔
فائدے:
٭ چھبڑی یعنی درختوں کی چھالوں سے بنی چنگیری (جس میں روٹ رکھتے ہیں)
میں روٹی رکھنے کا سب سے زیادہ فائدہ ہے کہ اس میں رکھی ہوئی روٹی بناء فریزر کے بھی نرم رہتی ہے روٹی خشک نہیں ہوتی اور جرثیم سے پاک ہوتی ہے۔
چونکہ عموماً ہم روٹیوں کو پلاسٹک کے بنے ہاٹ پاٹ میں رکھتے ہیں جس کو بند کرنے سے اس میں پسینہ آ جاتا ہے اور روٹی خشک ہو کر کڑک ہو جاتی ہے ساتھ پلاسٹک کے ذرات بھی اس میں شامل ہونے لگتے ہیں جو جراثیم کا باعث بنتے ہیں، لہٰذا روٹیوں کو چھابڑی میں رکھنا فائدے مند ہوتا ہے۔
٭ چھابڑی کا بڑا ڈبہ یا بمبو سٹک کا ہاٹ پاٹ سستا بھی آتا ہے اور اس میں رکھا گیا کھانا یا روٹیاں لمبے عرصے تک تازہ رہتی ہیں کیونکہ یہ درختوں سے نکلی لکڑیوں سے بنتے ہیں اس لئے ان میں نمی زیادہ پائی جاتی ہے جو کھانے کو خراب ہونے سے بچاتی ہیں۔
٭ ہاتھ کا پنکھا تو آپ کے گھروں میں بھی ہوگا لائٹ جاتے ہی پنکھے ہاتھوں میں اٹھا کر جھلنے لگتے ہیں ان پنکھوں سے آپ ہوا بھی حاصل کرسکتے ہیں اور ساتھ ہی پنکھا جھلتے جھلتے آپ کے ہاتھوں کی بھی ورزش ہوجاتی ہے۔
٭ برتنوں کے علاوہ کرسیاں اور فرنیچر کو بھی اسی مٹیریل سے بنایا جاتا ہے جس پر بیٹھنے سے جسم کا توازن برقرار رہتا ہے اور کمر کی مہروں کے درد میں بھی مفید ہے۔