مردوں بالخصوص خواتین کو ان کی زندگی میں اکثر جلد کے تکلیف دہ مسائل سے نمٹنا پڑتا ہے اور بدقسمتی سے "مسے" ان میں سے ایک ہیں۔ یہ بے ضرر نشوونما پانے والے مسے یا گٹھلیاں اکثر ہماری انگلیوں یا ہاتھوں پر نمودار ہوتے ہیں اور اگر بے دھیانی میں ان پر ہاتھ یا کوئی دوسری شے ٹکرا جائے تو وہ کافی بلکہ تکلیف دہ ثابت ہوتے ہیں۔
لیکن یہاں پریشانی کی کوئی بات نہیں کیونکہ ہم ان سے چھٹکارا پانے کے لیے چند انتہائی موثر علاج آپ کی خدمت میں پیش کر رہے ہیں جس کی وجہ سے آپ کی جلد صاف اور مثبت تصویر پیش کرے گی۔
آیئے جانتے ہیں ان کارآمد طریقوں کے بارے میں جن کی مدد سے آپ تکلیف دہ مسوں سے چھٹکارا حاصل کر سکتے ہیں۔
1- شہد
شہد کا استعمال مختلف طریقہ کار سے کیا جاتا ہے اور یہ انسانی صحت کے لیے بھی بہت مفید سمجھا جاتا ہے۔ اگر آپ کو مسوں کا علاج کرنے کی ضرورت پیش ہو تو آپ شہد کا استعمال کرسکتے ہیں۔ اس میں سوزش کی کمی اور اینٹی بیکٹیریل کی خصوصیات شامل ہوتی ہیں۔ تھوڑ ا سا شہد لے کر مسے والے مقام پر لگائیں اور اچھی طرح لگانے کے بعد مسے پر پٹی باندھ لیں اور رات بھر کے لیے چھوڑ دیں۔ یہ عمل اس وقت تک دہرانا ہے جب تک مسوں سے نجات نہ مل جائے۔
2- سیب کا سرکہ
ایک اور طریقہ ہائے علاج سیب کا سرکہ بھی ہے جس میں کرنا یہ ہے کہ روئی کو سرکے میں ڈبو کر مسوں پر دن میں دو بار تھوڑی دیر کیلئے رکھیں۔ سرکہ میں موجود اینٹی بیکٹیریل اور اینٹی وائرس خصوصیات ان مسوں کو ختم کر دیتی ہیں۔
اگر آپ کے مسوں سے آپکے چلنے پھرنے میں دشواری آ رہی ہے تو ان حربوں کو استعمال کرنے کی بجائے سیدھا ڈاکٹر سے رجوع کریں۔
3- ایلو ویرا
ایلو ویرا انتہائی اہم خصوصیات کا حامل پودا سمجھا جاتا ہے جس کے بے شمار کرشماتی فوائد موجود ہیں۔وہیں ایلو ویرا ہاتھ اور پاؤں پر پڑنے والے مسوں کا بھی علاج کرتا ہے۔ایلو ویرا میں بہت سے فعال اجزاء پائے جاتے ہیں جن میں اینٹی ویرل اور اینٹی سیپٹیک شامل ہیں۔
یہ اجزاء ہمارے مدافعتی نظام کو انفیکشن سے لڑنے میں مدد فراہم کرتے ہیں۔سب سے پہلے ایلو ویرا کے پودا کا ایک پتی لیں۔اسے آدھے حصے میں کاٹیں اور اس کا جیل باہر الگ سے نکال کر مسے پر لگائیں۔ بعد ازاں اس جگہ کو ایک پٹی سے ڈھانپیں اور 5-10 منٹ تک انتظار کریں یا اس وقت تک جب تک آپ کو کچھ راحت محسوس نہ ہو۔یہ حربہ تقریباً 2 ہفتوں تک دہرائیں۔
4- انناس کا جوس
مسوں کے علاج کے لیے انناس کا رس معاون ثابت ہوسکتا ہے کیونکہ یہ انتہائی تیزابیت والا ہوتا ہے اور برومیلین پر مشتمل ہوتا ہے ، ایک پروٹین ہضم کرنے والا انزائم جو مسے کو تباہ کرنے میں مدد کرتا ہے۔ کاٹن کا ایک ٹکڑا انناس کے رس میں بھگو دیں اور اضافی مائع کو نچوڑ لیں۔
اس کے بعد بہت زیادہ دباؤ ڈالے بغیر اسے احتیاط سے مسے پر لگائیں۔پھر کاٹن پیڈ کو پٹی سے لپیٹ دیں۔اسے 3-5 منٹ تک لگا رہنے دیں۔
تیز نتائج حاصل کرنے کے لیے دن میں 2-3 بار اس عمل کو دہرائیں تاکہ کاٹنے والے مسوں سے نجات حاصل کر سکیں۔
5- تلسی کے پتوں سے علاج
تلسی ایک جڑی بوٹی ہے جو عام طور پر کھانا پکاتے وقت بھی استعمال کی جاتی ہے کیونکہ یہ ہمارے کھانوں میں ایک مخصوص ذائقہ ڈالتی ہے۔ تاہم، اس جڑی بوٹی میں طاقتور اینٹی آکسیڈینٹس اور ضروری تیل بھی موجود ہوتے ہیں جو بہت سے فوائد لاتے ہیں جیسے سوزش کو کم کرنا اور ہمارے مدافعتی نظام کو انفیکشن سے بچانا وغیرہ۔
اس کے لیے آپ نے یہ کرنا ہے کہ ایک کپ میں تلسی کے پتوں کو اس وقت تک مائل کریں جب تک کہ وہ خشک نہ ہو جائیں۔پھر اس پیسٹ کو اپنی انگلیوں سے جمع کریں اور اسے متاثرہ جگہ پر رکھ کر اچھی طرح مساج کریں۔ پیسٹ کو محفوظ بنانے کے لیے اس مسے پر پٹی کریں۔
اور رات بھر لگا رہنے دیں۔ خیال رہے کہ یہ عمل آ پ نے ہفتے میں ایک سے 2 بار لازمی دہرانا ہے۔