زلمی فاؤنڈیشن کے تحت ہونے والے اس فائنل میں سینٹ تھامس ٹائیگرز نے فاطمہ ڈیسیپل کو ہراکر ٹورنامنٹ جیت لیا
فائنل میچ کے دوران مذہبی ہم آہنگی کا خوبصورت مظاہرہ دیکھنے کو ملا۔
جبکہ وفاقی وزیر شہریار آفریدی ، چیرمین علما کونسل پاکستان مولانا طاہر اشرفی اور ڈاکٹر جوزف ارشد کی جانب سے اختتامی تقریب میں شرکت کی گئی۔
زلمی فاؤنڈیشن ، وفاقی اور پنجاب حکومت کے اشتراک سے ہونیوالی ہارمونی کرکٹ لیگ کامیابی سے راولپنڈی میں اختتام پزیر ہوگئی۔
۔فائنل میں سینٹ تھامس ٹائیگرز نے فاطمہ ڈیسیپل کو ہراکر ٹورنامنٹ جیت لیا
ٹورنامنٹ کے دوران اور فائنل میچ میں مذہبی ہم آہنگی کا خوبصورت مظاہرہ دیکھنے میں آیا۔ چیرمین کشمیر کمیٹی شہریار آفریدی ، چیرمین علما کونسل پاکستان مولانا طاہر اشرفی اور آرچ بشپ اسلام آباد ڈاکٹر جوزف ارشد، سمیوئل آزری ، سردار اعجاز ، بریگیڈیئر سائیمن میجر آصف مسیح اور پاور زلمی کے ڈائریکٹر کرکٹ محمد اکرم نے اختتامی تقریب میں شرکت کی۔
اس موقع پر شہریار آفریدی نے کہا پاکستان میں اقلیتوں کو مکمل آزادی ہے ، زلمی فاونڈیشن , پنجاب حکومت نے ہارمونی کرکٹ لیگ منعقد کرکے زبردست کام کیا ،
چیرمین علما کونسل پاکستان مولانا طاہر اشرفی نے کہا حکومت تمام اقلیتوں کی آزادی اور تحفظ پر یقین رکھتی ہے۔ زلمی فاونڈیشن کے ساتھ مل کر مدرسہ لیگ کا بھی انعقاد کریں گے۔
آرچ بشپ اسلام آباد ڈاکٹر جوزف ارشد نے کہا کہ زلمی فاؤنڈیشن ، وفاقی اور پنجاب حکومت کو ہارمونی کرکٹ لیگ کے انعقاد پر سراہتے ہیں مسیحی برادری پاکستان کی ترقی میں اپنا کردار ادا کرتی رہے گی ، محمد اکرم نے کہا پشاور زلمی کھیلوں کے زلمی فاونڈیشن ساتھ دیگر شعبہ جات میں سرگرم عمل ہے , چرچز کی ٹیموں اور نوجوان کرکٹرز کو ان ایکشن دیکھ کر خوشی ہوئی۔،
چیرمین پشاور زلمی جاوید آفریدی نے کہا کہ ہارمونی کرکٹ لیگ سے پاکستان کا مثبت امیج دنیا بھر میں اجاگر ہوا ،زلمی فاؤنڈیشن کے زریعے کھیلوں کے ساتھ تعلیم ، صحت اور دیگر شعبہ جات میں نوجوانوں کو سرگرمیاں فراہم کرتے رہیں گے۔،
پشاور زلمی میڈیا ڈیپارٹمنٹ