سوشل میڈیا پر وائرل ہونے والا یہ جوڑا کون ہے اور یہ کیوں مشہور ہورہا ہے؟

سوشل میڈیا پر کوئی بھی خبر یا کوئی بھی تصویر لگا دی جائے اس کو وائرل ہونے اور لوگوں کی پسند اور نا پسند بننے میں کوئی دیر نہیں لگتی ہے اور بالکل ایسے ہی ایک جوڑے کی تصویر ہم آپ کو دکھا رہے ہیں جو سوشل میڈیا پر خوب وائرل ہو رہا ہے۔ جس کی تصویر کے ساتھ کچھ جملے بھی درج ہیں جو کچھ اس طرح ہیں کہ:

'' میں آم لینے بازار گئی تھی، سب کو مہنگے اور مجھے سستے آم دے دیئے، یہ سلسلہ یونہی چلتا رہا اور پھر محبت کی شادی ہوگئی۔ ''

اس شخص کا تعلق سندھ کے شہر بدین سے بتایا جاتا ہے، اور یہ خاتون بھی وہیں کی رہائشی ہے، خاتون بھی محنت کش طبقے سے تعلق رکھتی ہیں۔ کام سے واپسی پر دردانہ خاتون روزانہ آم لیتے ہوئے گھر جاتی تھیں، یوں یہ سلسلہ شروع ہوا اور آم والے نے کم دام میں بیچنا شروع کردیا، اس کے بعد دونوں میں محبت ہوگئی اور جلد ہی محبت شادی تک پہنچی۔

ان کی تصویر اب وائرل ہو رہی ہے، مگر ان کی شادی گذشتہ سال ہوئی تھی اور اب یہ دونوں مل کر آم بیچتے ہیں۔