سہرا سجانے سے پہلے ہی کفن پہن لیا۔۔ ٹرین حادثے میں مرنے والے پولیس والے کے گھر والوں نے اپنی دکھ بھری کہانی سنا کر سب کو رلا دیا

ڈہرکی ٹرین حادثے پر پوری قوم ہی غم کے عالم میں مبتلا ہے اس حادثے میں کئی جوان،بچے اور خواتین اس دنیا سے چلے گئے ان ہی میں ایک 25 سالہ علی ناصر شاہ نامی ریلوے پولیس کا اہلکار بھی تھا جس کی اگلے ماہ شادی تھی، علی ناصر شاہ کے کزن و جگری دوست عامر حسین شاہ نے کہا ہے کہ ابھی وہ حادثے سے ایک دن پہلے ہمارے ساتھ بیٹھ کر اپنی شادی کیلئے شیروانی کی تیاری اور بارات کس دھوم دھام نکلے گی یہ سب باتیں کر رہا تھا لیکن ہمیں کیا معلوم تھا کہ یہ اسکا ہمارے ساتھ آخری دن تھا اگر ہمیں معلوم ہوتا تو ہم اسے جانے ہی نہیں دیتے۔

اس کے علاوہ عامر حسین شاہ کا کہنا تھا کہ وہ اپنے تمام گھر والوں اور دوستوں سے بہت پیار کرتا تھا اور اس وقت اس کی ہونے والی دلہن سخت صدمے میں ہے، واضح رہے کہ ابتدائی تحقیقاتی رپورٹ کے مطابق یہ حادثہ اپ ٹریک کی پٹری کا ویلڈنگ جوائنٹ ٹوٹنے سے پیش آیا ہے۔ اور اب تک سر سید اور ملت ایکسپریس ٹرین حادثے میں شہید ہونے والوں کی تعداد 65 ہوگئی ہے۔