ویسے تو کئی چیزیں ہم روزمرہ زندگی میں استعمال کرتے ہیں لیکن ان کے درست استعمال کے بارے میں واقف نہیں ہوتے یا یوں کہہ لیں کہ ان چیزوں ایسے تجربات کیے جا سکتے ہیں جس کے باعث زندگی آسان ہوسکتی ہے۔
روز مرہ میں موجود چیزوں کے بارے میں کچھ دلچسپ معلومات، جو کہ ہم استعمال کرتے ہیں مگر ہمیں نہیں پتہ کہ کیوں استعمال کررہے ہیں اور ان کا کیا مقصد ہے۔
1- سکہ ڈی فریج میں رکھنا
عام طور پر سکوں کو خرید و فروخت کے لیے استعمال کیا جاتا ہے۔ مگر اب آپ اس بات کا اندازہ لگا سکتے ہیں کہ آپ کا ڈی فریزر بند ہوا تھا یا نہیں صرف سکے کی مدد سے۔
ایک پانی کے برتن کو ڈی فریزر میں رکھیں جب برف بن جائے تو اس کے اوپر سکہ رکھ دیں۔ اب اس سکے سمیت برف کو ڈی فریز میں رکھ دیں۔
واپس جب آپ اس سکہ کو برتن میں نیچے کی طرف پائیں تو سمجھ جائیں کہ ڈی فریزر بند ہوا ہے اور برف صحیح طرح نہیں جمی۔
2 -پبلک ٹوائلٹس کے چھوٹے دروازے
عام طور پر پبلک ٹوائلٹس میں چھوٹے دروازے لگائے جاتے ہیں، لیکن کبھی ہم نے اس کے پیچھے کی وجہ نہیں جانی۔ دراصل جب ایک بندہ واشروم میں موجود ہے تو دوسرا بندہ جو باہر کھڑا انتظار کررہا ہے۔ اس انتظار کرتے بندے کو اندر موجود بندہ دیکھ کر اسے اس بات کا احساس ہوگا کہ کوئی اور بھی انتظار کررہا ہے۔
3- گاڑی کی چابیاں فریج میں رکھنا
کھانے پینے کی اشیاء کو محفوظ رکھنے کے لیے تو فریج کا استعمال کیا ہی جاتا ہے لیکن یہ جان کر آپ کو حیرانی ہو گی کہ اپنی گاڑی کو جدید دور کے چوروں سے بچانے کیلئے بھی آپ فریج کی مدد حاصل کر سکتے ہیں۔
میل آن لائن کی ایک رپورٹ میں بتایا گیا ہے کہ چوروں نے جدید ٹیکنالوجی کی حامل ’کی لیس (Keyless)‘ گاڑیوں کو چرانے کیلئے یہ حکمت عملی اختیار کی ہے کہ وہ گھر کے قریب کھڑے ہوکر ایک ڈیوائس کی مدد سے چابی سے موصول ہونے والے سگنل کو ہیک کرتے ہیں اور پھر ایک ٹرانسمیٹر کی مدد سے گاڑی کے قریب کھڑے چور تک پہنچاتے ہیں، جس کے پاس موجود ٹرانسمیٹر سگنل موصول کرکے گاڑی کا لاک کھول دیتا ہے۔
آپ اس سے کیسے بچ سکتے ہیں؟
آٹو ماہرین نے ایسے چوروں کا علاج بتاتے ہوئے انکشاف کیا ہے کہ اگر آپ گاڑی کی چابیوں کو فریج میں رکھ دیں تو ان سے نکلنے والے سگنل کو ہیک نہیں کیا جاسکتا۔
جی ہاں! یہ بات درست ہے، ایسی صورت میں کار چور چور کامیاب نہیں ہو سکتے کیونکہ وہ ہیکنگ ڈیوائس کی مدد سے لاک کھولنے میں ناکام رہتے ہیں۔
آپ چابیوں کو فریج کی بجائے مائیکروویو میں بھی رکھ سکتے ہیں کیونکہ یہ بھی سگنل کو بلاک کرنے کے لئے انتہائی مفید ہے۔