کراچی، فیس ماسک نہ پہننے والے شہریوں‌ پر بھاری جرمانے کیے جانے لگے

شہر قائد میں اب فیس ماسک کا استعمال نہ کرنے والوں پر بھاری جرمانے اور وبائی ایکٹ کے تحت مقدمات چلائے جائیں گے یہی وجہ ہے کہ ضلع میں ایس او پیز پر عملدرآمد کیا جا رہا ہے یا نہیں اس کا جائزہ لینے کیلئے ڈپٹی کمشنر ضلع جنوبی نے اپنے ضلع کا دورہ کیا، دورے کے دوران انہوں نے برنس روڈ،کلفٹن، صدر میں قائم بیکریز، ملک شاپس اور ریسٹورنٹ کا معائنہ کیا جہاں عملے کو بغیر ماسک کے دیکھ کر ان پر جرمانے کیے اور دوکانوں و ریسٹورنٹس مالکان سے کہا کہ اپنے اسٹاف سے ایس و پیز پر عملدر آمد لازمی کروائیں۔

مزید یہ کہ انہوں نے 7 دوکانیں سیل کر دیں اور 1 دوکاندار کیخلاف مقدمہ درج بھی کیا جبکہ اپنے دورے کے دوران انہوں نے 30 سے زائد افراد پر بھاری جرمانے بھی عائد کیے اور واضح کہہ ڈالا کہ ایس او پیز کی کیخلاف ورزی کرنے والوں کے ساتھ کوئی رعایت نہیں برتی جائے گی۔