ایک، دو نہیں بلکہ ایک ساتھ 5 بچوں کی پیدائش نے سب کو حیران کر دیا

اولاد اللہ کی طرف سے عطا کردہ ایک خاص نعمت ہے جس کے لئے خدا کا جتنا شکر ادا کیا جائے اتنا ہی کم ہے۔ چاہے بیٹی پیدا ہو یا بیٹا دونوں ہی ماں باپ کی زندگی کے انمول تارے ہیں۔

کچھ ایسا ہی ہوا کوئٹہ سے تعلق رکھنے والے حاجی عبد الحق اچکزئی کے یہاں، جن کو خدا نے ایک ساتھ 5 بچوں سے نوازا۔ وائس آف پشاور نیوز کے مطابق:

'' حاجی عبدالحق اچکزئی کے گھر 5 بچے پیدا ہوئے ہیں، تمام بچے بلکل نارمل ہیں ساتھ ہی ان کی والدہ بھی صحت مند ہیں۔ 5 بچوں میں 3 بیٹے اور 2 بیٹیاں شامل ہیں۔ ''

جبکہ حاجی صاحب کے پہلے بھی 4 بچے تھے اور اب 5 بچوں کی ایک ساتھ پیدائش کے بعد ان کے بچوں کی تعداد 9 ہو گئی ہے جس پر حاجی صاحب اور ان کے اہل و عیال بہت خوش ہیں۔

یہ خبر فیس بک پر مختلف گروپ میں بھی شیئر کی گئی ہے جس پر عوام کی جانب سے نیک تمناؤں اور بچوں کی لمبی زندگی اور صحت کی دعائیں دی جا رہی ہیں۔ ہماری ویب بھی ان کی خوشیوں کے لئے دعاگو ہے۔