بختاور بھٹو کی شادی: اسلام آباد، لاہور اور لاڑکانہ میں بھی شادی کی تقریبات منعقد کی جائیں گی

چیئرمین پی پی پی بلاول بھٹو زرداری نے بی بی بختاور بھٹو زرداری کی شادی پر مبارک باد کے پیغامات دینے والوں سے اظہار تشکر کیا ہے، میڈیا سیل بلاول ہاؤس سے اپنے ایک جاری کردہ بیان میں چیئرمین پی پی پی بلاول بھٹو زرداری نے کہا ہے کہ کرونا وائرس کی ایس او پیز کے پیش نظر بی بی بختاور بھٹو زرداری کی شادی کی تقریبات میں کم مہمانوں کو مدعو کیا گیا ہے، چیئرمین بلاول بھٹو زرداری نے اس صورت حال پر افسوس کا کا اظہار کرتے ہوئے کہا کہ وہ کرونا وائرس کی ایس او پیز کی وجہ سے شادی کی تقریبات میں بہت سے معزز افراد کو دعوت نہیں دے سکے ہیں، انہوں نے آگاہ کیا کہ اسلام آباد، لاہور اور لاڑکانہ میں بھی شادی کی تقریبات کا انعقاد کیا جائے گا جن میں اور معززین، دوست اور پی پی پی فیملی کے افراد خوشیوں میں شریک ہوسکیں گے-