رواں سال کے آغاز سے ہی صارفین واٹس ایپ سے متعلق خبریں سن رہے تھے کہ کمپنی نے پرائیویسی میں کچھ تبدیلیاں کر دی ہیں جس کے مطابق اب ڈیٹا تھرڈ پارٹی کو بھی مہیا کیا جائے گا، جس کے بعد کئی صارفین نے واٹس ایپ کو تنقید کا نشانہ بنایا۔
تاہم اس کے بعد متعدد صارفین نے اس ایپ کا استعمال چھوڑنے کا فیصلہ کیا جبکہ اب لوگوں کے تحفظات کو دور کرنے اور انہیں روکنے کے لیے واٹس ایپ مختلف حربے استعمال کر رہا ہے۔
اس زمرے میں واٹس ایپ نے اعلان کیا ہے کہ وہ اب صارفین سے براہ راست ایپ میں موجود اسٹیٹس فیچر کے ذریعے رابطے میں رہے گا۔
اسی سلسلے میں اب صارفین کے اسٹیٹس آپشن میں سرفہرست واٹس ایپ کی جانب سے چار اسٹیٹس اپ لوڈ کیے گئے ہیں جسے آپ میں سے کئی افراد نے دیکھا ہو گا۔
پہلے اسٹیسٹس کے مطابق ، واٹس ایپ انتظامیہ کا کہنا ہے کہ وہ صارفین کو اسٹیس سیکشن میں مزید فیچر اور اپ ڈیٹس سے متعلق آگاہ کرے گا۔
واٹس ایپ نے اگلے اسٹیسٹس میں کہا ہے کہ ایک نئی چیز جو نئی نہیں ہے وہ آپ کی رازداری یعنی پرائیویسی کیلیے ہمارا عزم ہے۔
واٹس ایپ کے تیسرے اسٹیٹس میں صارفین کو پیغام دیا گیا ہے کہ مزید اپ ڈیٹ کے لیے دیکھتے رہیں ۔
اگلے اور آخری اسٹیٹس نے واٹس نے ایک بار پھر صارفین کو وضاحت پیش کی ہے واٹس ایپ اینڈ ٹو اینڈ انکرپٹڈ ہے صارفین کے کی کالز یا پیغامات واٹس ایپ سمیت کوئی تیسرا فرد یا ادارہ سن یا دیکھ نہیں سکتا ہے۔