مین ہول کا ڈھکنا بھی اب عوام خود لگانے پر مجبور، سندھ گورنمنٹ کہاں ہے؟

جب حکومت وقت سے کوئی عملی اقدامات نہیں ہوپاتے تو عوام کو میدان میں اترنا پڑتا ہے۔ سندھ سمیت کراچی کے بیشتر مقامات پر مین ہول( گٹر کے ڈھکن) سڑکوں پر کھلے پڑے ہوتے ہیں کہ کوئی بھی شخص اس میں گر اپنی قیمتی جان گنوا سکتا ہے۔

اسی کو مدنظر رکھتے ہوئے مشہور این جی او ' فکس اِٹ' کے رضاکار شہر بھر کے کھلے میں ہولز پر ڈھکن لگانے کا کام کرتے نظر آتے ہیں۔ لیکن عوام سوال کرتی رہ جاتی ہے کہ سندھ حکومت کہاں ہے۔

فکس اِٹ کی جانب سے فیسبک پر ایک پوسٹ شئیر کی گئی جس میں دیکھا گیا کہ معروف این جی او کے ایک رضاکار نے مرکزی شاہراہ کے درمیان کھلے مین ہول کو ڈھکن لگا کر بند کر دیا ہے۔ دراصل یہ کام بھی عوام کی وجہ سے پائے تکمیل تک پہنچا ہے۔

پوسٹ پر لکھا گیا کہ اس کی اطلاع فیس بک گروپ پر دی گئی ہے جبکہ یہ ذمہ داری سندھ حکومت کی ہے لیکن بدقسمتی سے سندھ حکومت سو رہی ہے۔