گھر میں مختلف قسم کے پودے رکھنا ہمارے لیے فائدہ مند ہوتے ہیں لیکن ہم یہ پہلو بھی نظر انداز نہیں کر سکتے کہ ہر پودا گھروں میں نہیں رکھا جا سکتا۔
ہماری ویب آج آپ کو منی پلانٹ کی کچھ خصوصیات بتانے جا رہی ہے جس کے بعد آپ یقیناً اس پودے کو اپنے گھر میں رکھنے کے لیے مجبور ہو جائیں گے۔
منی پلانٹ جسے سائنسی زبان میں Epipremnum aureum، pinnatum اور Scindapsus aureus کہا جاتا ہے، اس کے بے شمار فوائد ہیں جن سے بہت کم لوگ واقف ہیں۔ اس کے علاوہ منی پلانٹ کے مزید نام ہیں جو کہ Pothos، Devils Ivy اور Silver Vine ہیں۔
گھر میں کیوں رکھنا چاہیے؟
پودوں کی ایک خاص ویب سائٹ flower aura کے مطابق منی پلانٹ گھر میں رکھنے سے بے شمار فوائد حاصل ہوتے ہیں جن میں صحت پر اچھے اثرات اور دماغی تناؤ سے نجات سرِ فہرست ہیں۔
اس کے علاوہ کئی لوگوں کا یہ بھی ماننا ہے کہ منی پلانٹ خوش قسمتی کی علامت سمجھا جاتا ہے، یہ پودا گھر مین رکھنے سے آمدنی میں بھی اضافہ ہوتا ہے۔
خصوصیات:
1) خوش قسمتی کی علامت
اس بات سے انکار نہیں کیا جا سکتا کہ کئی ایسے پودے ہیں جنہیں گھر میں رکھنے سے آپ کو مالی اور جسمانی طور پر فائدہ حاصل ہوتا ہے۔ منی پلانٹ بھی ان ہی پودوں میں سے ایک ہے۔ اس خوشحالی لانے کا سبب قرار دیا جاتا ہے۔
2) ہوا کو صاف کرتا ہے
یہ بات بہت کم لوگ جانتے ہیں کہ منی پلانٹ ایک ایسا پودا ہے جو ہوا میں سے تمام زہریلے مادے اپنے اندر جذب کر لیتا ہے جب کہ ارد گرد کی آب و ہوا کو پاک اور صاف بنا دیتا ہے۔
3) ریڈئیشن سے پاک
آج کل کے جدید دور میں جہاں مختلف قسم کے گیجٹس ہر گھر میں موجود ہوتے ہیں وہیں منی پلانٹ کو گھر میں رکھیں تاکہ تمام ریڈئیشن سے محفوظ رہ سکیں۔ منی پلانٹ وہ پودا ہے جو موبائل، ٹیلی ویژن، لیپ ٹاپ اور ٹیب میں سے تمام ریڈئیشن اپنے اندر جذب کر لیتا ہے اور آپ کی صحت بالکل خراب نہیں ہونے دیتا۔
4) خوبصورتی کی علامت
منی پلانٹ کو خوبصورتی کی علامت سمجھا جاتا ہے۔ اسے گھر میں کسی بھی بوتل یا گملے میں لگائیں، کچھ دن میں اس کی شاخیں بڑھ جائیں گی۔ آپ وہ گھروں میں لمبائی میں لگا سکتے ہیں۔ اس کی بیل بے حد خوبصورت لگتی ہے۔
5) ذہنی تناؤ سے نجات
اگر آپ ہر وقت پریشان رہتے ہیں یا انزائیٹی کا سامنا ہے تو گھر میں منی پلانٹ کا پودا ضرور رکھیں، یہ آب و ہوا کو تازہ بناتا ہے جس سے قدرتی طور پر آپ کا موڈ بہتر ہو گا۔ آپ اسے اپنے کمرے میں یا آفس کی ڈیسک پر رکھ سکتے ہیں کیونکہ یہ وہ پودا ہے جسے سورج کی روشنی درکار نہیں ہوتی اسی لیے اسے ان ڈور پلانٹ یعنی گھر کے اندر رکھے جانے والا پودا بھی کہا جاتا ہے۔
ضروری ہدایات:
٭ منی پلانٹ کے پودے کو اس وقت پانی دیں جب مٹی بالکل خشک ہو جائے، اسے زیادہ پانی کی ضرورت نہیں ہوتی۔ 3 سے 4 دن بعد پانی دے سکتے ہیں۔
٭ کوشش کریں کہ جس گملے یا بوتل میں منی پلانٹ کا پودا لگائیں اس کے نچلے حصے یعنی سطح کو پودے کے پتے نا چھوئیں۔
ماہرین کے مطابق منی پلانٹ کو ہر گز east-west direction یعنی مشرق مغرب کی سمت نا رکھیں۔
اس پودے کو ہمیشہ south-east direction جنوب مشرق کی سمت پر رکھیں۔
٭ منی پلانٹ کے پودے کو ہمیشہ براہ راست سورج کی روشنی سے بچائیں۔
٭ کچھ ماہرین کا یہ بھی کہنا ہے کہ جس گملے یا بوتل میں منی پلانٹ کا پودا لگائیں اس کا رنگ لال نا ہو۔ یا اس پودے کو کسی لال رنگ کے فرنیچر یا کسی بھی لال رنگ کی چیز کے قریب نا رکھیں۔
امید کرتے ہیں کہ یہ معلومات ہماری ویب کے پڑھنے والوں کے لیے کارآمد ثابت ہو گی۔ اس حوالے سے اپنی قیمتی رائے کا اظہار ہماری ویب کے فیسبک پیج پر کمنٹ سیکشن میں کرنا نا بھولیں۔