پاکستان میں اکثر لوگ پرائز بانڈ کے ذریعے قسمت آزماتے ہیں کہ کسی طرح کم وقت اور کم پیسوں میں زیادہ منافع کمایا جاسکے ۔ اب یہ کوئی حتمی بات تو نہیں ہے کہ ہر بار آپ کا ہی پرائز بانڈ نکل آئے اور آپ مالا مال ہو جائیں یہ ہر گز ممکن نہیں ہے۔ مگر صرف عقلی بنیاد پر اندازہ لگایا جاسکتا ہے کہ کس طرح پرائز بانڈ جیتا جاسکے۔ اگر آپ بھی پرائز بانڈ کے گیم کو جاننا اور سمجھنا چاہتے ہیں تو ان ہدایات کو لازمی پڑھ لیں:

ہدایات

• کوشش کریں کہ ایسے نمبر کا بانڈ لیں جو سیریز میں ہوں یعنی ہمیشہ آگے پیچھے کے نمبروں کے ایک سے زیادہ بانڈ خرید لیں تا کہ کوئی ایک نکل جائے۔

• 1500 یا اس سے زیادہ مالیت کے پرائز بانڈ ذرا کم ہی نکلتے ہیں اس لئے کوشش کریں کہ ان کو کم سے کم ہی خریدیں۔

• کسی سے بھی اپنے پرائز بانڈ شیئر نہ کریں یعنی کسی کو نہ بتائیں کہ آپ کے پاس بانڈ ہے ورنہ لوگ آپ سے کوئی نہ کوئی بانڈ خرید کر لے جائیں گے اور وہ جیت گئے تو آپ کا بڑا نقصان ہوگا۔

• کم مالیت کے زیادہ سے زیادہ پرائز بانڈ خریدیں کیونکہ جتنے زیادہ پرائز بانڈ ہوں گے قرعہ اندازی میں ان کے نمبر لگنے کے امکانات اتنے ہی روشن ہوں گے-