چینی کی قیمتوں میں کتنی کمی؟ اعلان کر دیا گیا

وفاقی حکومت کی جانب سے چینی کی بڑھتی قیمتوں کو کنٹرول کرنے کے نتائج سامنے آ گئے، 102 روپے فی کلو میں ملنے والی چینی 81 روپے میں فروخت۔

تفصیلات کے مطابق سماجی رابطے کی ویب سائٹ پر وزیرِ اعظم عمران خان نے ٹوئٹ میں چینی کی قیمتوں میں کمی پر اپنی ٹیم کو مبارکباد دیتے ہوئے کہا کہ 'ماشاءاللہ ملک میں گزشتہ ماہ 102 روپے فی کلو فروخت ہونے والی چینی اب اوسط 81 روپے فی کلو میں فروخت ہو رہی ہے، عمران خان نے کہا کہ میں کثیرالجہت حکمتِ عملی اختیار کر کے چینی کی قیمت کنٹرول کرنے پر ٹیم کو مبارکباد پیش کرتا ہوں۔

MashaAllah Sugar is selling at a national average of Rs 81 per kg vs Rs102 per kg a month back. I want to congratulate my team for bringing the sugar prices down through a multi pronged strategy.

— Imran Khan (@ImranKhanPTI) December 12, 2020

اس سے قبل اسد عمر کی جانب سے بھی بیان جاری کیا گیا تھا جس میں اسد عمر کا کہنا تھا کہ ایک ماہ میں چینی کی قیمت 31 روپے فی کلو کم ہوئی ہے، اسد عمر نے دبے انداز میں اپوزیشن کا نام لئے بغیر طنز کرتے ہوئے کہا کہ 'بگڑا نظام بہتر کرنے کی کوشش کرو تو اُس نظام سے مستفید والے مزاحمت کرتے ہیں اور اگر بگڑے نظام سے مستفید ہونے والے طاقتور ہوں تو مزاحمت زیادہ ہوتی ہے مگر حکومت نیک نیت اور باہمت ہو تو آخر کار وہ کامیاب ہوتی ہے'۔

پچھلے ایک ماہ میں ملک میں چینی کی اوسط قیمت میں 31 روپیہ فی کلو کمی ہوئی ہے. جب بگڑا ہوا نظام بدلنے کی کوشش ہوتی ہے تو اس نظام سے مستفید ہونے والے مزاحمت کرتے ہیں، اور اگر وہ طاقتور لوگ ہوں تو مزاحمت زیادہ ہوتی ہے. لیکن اگر حکومت نیک نیت اور باہمت ہو تو آخر کار کامیاب ہوتی ہے

— Asad Umar (@Asad_Umar) December 12, 2020

یاد رہے کہ وزیراعظم عمران خان نے شوگر مافیا کے خلاف کریک ڈاؤن کا فیصلہ کیا تھا جس کے بعد ان کی ٹیم نے اس کے خلاف حکمتِ عملی بنا کر عوام سے قیمتوں میں کمی لانے کا وعدہ کیا تھا جس پر حکومت کچھ حد تک کامیاب بھی ہوئی ہے۔