کیا کبھی آپ نے سنا ہے کہ کسی شخص کی موت ہوگئی ہو لیکن کچھ ہی منٹ بعد وہ دوبارہ زندہ ہوا ہو؟
امریکہ کے نیشنل پارک میں ایک لاپتا شخص 45 منٹ تک مردہ رہنے کے بعد حیرت انگیز طور پر زندہ ہوگیا۔ 45 سالہ مائیکل نیشنل پارک میں بے ہوش ہوگئے جس کے بعد ان کو ہیلی کاپٹر میں سی ایٹل کے اسپتال منتقل کیا گیا جہاں اسپتال پہنچنے پر ان کی نبض چل رہی تھی مگر پھر دل کی دھڑکنیں اچانک بند ہوگئیں جس کے بعد ڈاکٹروں کی جانب سے مائیکل کو مردہ قرار دے دیا گیا۔
تاہم مائیکل کے خون کو مشین کے ذریعے پمپ کیا گیا اور خون سے کاربن ڈائی آکسائیڈ نکال کر صاف خون فراہم کیا گیا جس کے باعث 45 منٹ بعد اس کی دل کی دھڑکنیں بحال ہوگئیں۔
2 روز بعد جب ان کو ہوش آیا تو خوشی سے ان کی آنکھوں سے آنسو جاری ہوگئے۔
اس موقع پر اسپتال انتظامیہ اور عملہ بھی اپنے جذبات پر قابو نہ رکھ سکا اور آبدیدہ ہوگیا۔