صدارتی انتخابات میں شکست۔۔ کیا میلانیا ٹرمپ کو چھوڑ دیں گی؟

صدارتی انتخابات میں شکست کے بعد ڈونلڈ ٹرمپ کی نجی زندگی بھی خطرے میں پڑگئی، غیر ملکی میڈیا رپورٹس میں دعویٰ کیا جارہا ہے کہ رپبلکن صدارتی امیدوار ڈونلڈ ٹرمپ کی اہلیہ میلانیا ٹرمپ نے ان سے علیحدگی کا فیصلہ کرلیا ہے۔

اس حوالے سے ٹرمپ حکومت کی سابق عہدیدار اسٹیفنی ووک آف نے دعویٰ کیا ہے کہ میلانیا شدت سے وائٹ ہاؤس چھوڑنے کی منتظر ہیں، ڈونلڈ ٹرمپ کے وائٹ ہاؤس چھوڑنے کے ساتھ ہی میلانیا طلاق لے لیں گی۔

سابق حکومتی عہدیدار اسٹیفنی ووک آف کا مزید کہنا ہے کہ ڈونلڈ ٹرمپ کو الیکشن ہارنے کے ساتھ ہی اپنی بیوی کھونے کا بھی صدمہ برداشت کرنا پڑے گا کیونکہ میلانیا ٹرمپ اپنے شوہر سے جلد طلاق لینے جا رہی ہے۔ انہوں نے بتایا کہ جیسے ہی ٹرمپ امریکی صدارت چھوڑ کر وائٹ ہاؤس سے رخصت ہوجائیں گے تو اسی وقت میلانیا بھی ٹرمپ سے علیحدگی اختیار کرلیں گی۔

یاد رہے کہ اس سے قبل بھی 2016 میں ڈونلڈ ٹرمپ کے غیرمتوقع طور پر الیکشن جیتنے پر میلانیا پھوٹ پھوٹ کر رونے لگی تھیں کیونکہ میلانیا کو یقین ہی نہیں تھا کہ ان کے شوہر ڈونلڈ ٹرمپ انتخابات میں جیت سکیں گے، اطلاعات کے مطابق انتخابات میں کامیابی کے 5 ماہ بعد تک میلانیا وائٹ ہاؤس شفٹ نہیں ہوئی تھیں۔

غیر ملکی میڈیا رپورٹس میں یہ بھی بتایا جارہا ہے کہ ڈونلڈ ٹرمپ اور ان کی اہلیہ میلانیا کے ازدواجی تعلقات کافی عرصے سے ٹھیک نہیں چل رہے تھے، بلا آخر ڈونلڈ ٹرمپ کی اہلیہ نے ان سے علیحدگی کا فیصلہ کر لیا ہے جس پر ٹرمپ شدید صدمے سے دو چار ہیں۔