آرمینیا سے آذربائیجان کی فوج نے ایک علاقہ آزاد کروایا جہاں پہلی اذان کی صدا گونج اٹھی۔
تفصیلات کے مطابق آرمینیا کے قبضے سے آزاد کرائے گئے علاقہ ''جبرائیل'' اللہ اکبر کی صداؤں سے گونج اٹھا۔ متنازع علاقے نگورنو کاراباخ کے معاملے پر 27 ستمبر سے چھڑپیں جاری ہیں اور دونوں جانب سے ایک دوسرے پر کی گئی گولہ باری اور میزائل حملوں میں اب تک 700 کے قریب فوجی اور سول شہری ہلاک ہو چکے ہیں۔
تاہم پاکستان میں آذربائیجان کے سفیر علی علی زادہ نے ٹوئٹر پر ایک ویڈیو شیئر کرتے ہوئے اردو میں لکھا کہ ''آرمینیائی قبضے سے آزاد ہوئے آذربائیجان کے جبرائیل میں دی گئی ’اذان‘ کی پہلی آواز''۔
ایک اور ٹوئٹ میں علی علی زادہ نے بتایا کہ ''آذری فوج نے آرمینیا سے آزاد کرائے گئے شہر فضولی میں ملک کا قومی پرچم لہرا دیا''۔
تاہم اپنے ایک ٹوئٹ میں آذربائیجان کے سفیر کا کہنا تھا کہ ''ملکی فوج آرمینین افواج کا پیچھا کر رہی ہیں، جبکہ ویڈیو میں دیکھا جاسکتا ہے کہ آرمینیا کے فوجی لڑائی کے دوران آذربائیجان کے فوج کے حملے کے بعد ہار مان کر بھاگ رہے ہیں''۔