کورونا وائرس میں ہونے والے لاک ڈاؤن کے باعث بہت سے افراد کو اپنا وزن بڑھتا ہوا محسوس ہو رہا ہے ایسے میں ماہرین صحت کی جانب سے محض 30 منٹ میں کرنے والی کچھ ایسی ورزش بتائی ہیں جسے آپ گھر میں ہی کیلوریز کم یا ختم کرنے کے لیے آسانی سے کرسکتے ہیں۔
1) چہل قدمی
وزن کم کرنے کا سفر سب سے پہلے ہلکی ورزش سے شروع کریں، آدھے گھنٹے میں 170 کیلوریز جل سکتی ہیں۔ پابندی کے ساتھ چہل قدمی کرنے سے دل کی بیماریوں سے بھی بچا جاسکتا ہے، باہر تازہ ہوا میں کی جائے تو اس سے جسم کو وٹامن ڈی بھی ملتا ہے۔
2) سائیکلنگ
سائیکل چلانا فٹ رہنے کے لیے انتہائی ضروری ہے، 30 یا 40 منٹ تک سائیکل چلانے سے 400 کیلوریز جل سکتی ہیں اور اگر کم رفتار سے چلائیں تو 220 کیلوریز جل سکتی ہیں۔
3) تیراکی
پورے جسم کی ورزش کے لیے تیراکی سب سے بہترین ہے۔ 30 منٹ تک تیرنے سے 250 کیلوریز ختم ہوتی ہیں۔
4) رسی کودنا
روز صبح بیدار ہونے کے بعد 3 مرتبہ 20 سیکنڈ کے وقفے سے 50 دفعہ رسی کودیں اور اس کے آدھے گھنٹے بعد ناشتہ کرلیں۔ یہ بھی آپ کا وزن کم کرنے کے لیے انتہائی مفید ہے۔
5) دوڑ لگانا
یہ کیلوریز ختم کرنے کا بے حد آسان طریقہ ہے۔ 30 منٹ تک کے لیے 10 منٹ فی میل کی رفتار سے دوڑنے سے 350 کیلوریز ختم ہو جاتی ہیں۔