مائیگرین کا درد اکثر لوگوں کو بہت پریشان کرتا ہے، اسے ہم درد شقیقہ بھی کہتے ہیں۔ یہ سردرد کی سب سے خطرناک قسم ہے۔ یہ درد سر کے دائیں یا بائیں کسی جانب بھی ہو سکتا ہے، اس درد کے دوران متلی ہونا، شور، اونچی آوازوں اور روشنی سے مزید بڑھنے لگتا ہے، درد شقیقہ کا مریض روشنی کے بنسبت خود کو اندھیرے میں پر سکون محسوس کرتا ہے۔
اس کا علاج کیسے ممکن ہے؟
ماہرین کے مطابق مائیگرین کے مریض کو گرم غذاؤں کے بجائے ٹھنڈی غذاؤں کا استعمال کرنا چاہیے۔ مائیگرین کے دوران مریض کی پنڈلیوں اور پیروں پر کسی بھی تیل سے مالش کی جا سکتی ہے، اس سے بچنے کے لیے مریض کو چاہیے کہ تیز خوشبو، اچانک روشنی کے سامنے آ جانا اور پریشانیوں سے بچے اور پر سکون رہنے کی کوشش کرے۔
4 یوگا پوزز، جن سے مدد لی جا سکتی ہے۔
خود کو ڈھیلا چھوڑ کر پر سکون حالت میں لیٹ جائیں (Corpse pose)
اس یوگا پوز کے سبب جسمانی اور ذہنی تناؤ سے نکلنے میں مدد ملتی ہے، زمین پر بے سُدھ لیٹ جائیں اور خود کو پر سکون رکھنے کی مدد کریں، اس پوز سے گردن کے پٹھے پر سکون ہوں گے اور درد کی شدت میں کمی آئے گی۔
بچوں کی طرح اُلٹا لیٹ جائیں (Child’s pose)
اس یوگا پوز کے ذریعے انسانی عصبی نظام یعنی دماغی نظام پر سکون ہوتا ہے کارکردگی بہتر ہوتی ہے، یہ یوگا پوز درد کو کم کرنے کے لیے مفید ہے۔
خود کو اُلٹے ’وی‘ کی شکل میں کھڑا رکھیں (Standing forward bend)
یہ یوگا کی قسم جسم میں خون کی صحیح ترسیل کے لیے نہایت موزوں سمجھا جاتا ہے، اس پوز کے ذریعے خون اور آکسیجن کی مطلوبہ مقدار دماغی نظام تک پہنچتی ہے جس سے انسان خود کو پرسکون اور تناؤ میں کمی محسوس کرتا ہے۔
بلی کی طرح اپنے جسم کے پٹھوں کو کھینچیں ( Cat stretch )
انسان جب بلی کی طرح اپنے جسم کے پٹھوں کو کھینچتا ہے تو جسم میں خون کی روانی بہتر طریقے سے ہوتی ہے، کیٹ اسٹریچ پوز یوگا سے انسان کو دماغی طور پر پر سکون ہونے میں بھی مدد ملتی ہے۔